15 के उसनै एके ताहीं न्ही बणाया जबकि और आत्मा उसके धोरै थी? अर एके ताहीं क्यूँ बणाया? इस करकै के वो परमेसवर के लायक औलाद चाहवै सै। इस करकै थम अपणी आत्मा कै बारै म्ह चौक्‍कस रहो, अर थारे म्ह तै कोए अपणी जवानी की जनान्‍नी तै धोक्खा ना करै। 16 क्यूँके इस्राएल का परमेसवर यहोवा न्यू कहवै सै, "मै तलाक तै घृणा करुँ सूं, अर उसतै भी जो अपणे कपड़े नै उड़दंग तै ढकै सै। इस करकै थम अपणी आत्मा कै बारै म्ह चौक्‍कस रहो अर धोक्खा ना करो, सेनाओं के यहोवा का योए वचन सै।"