1 जिननै छाप लगाई वे ये सैं हकल्याह का बेट्टा नहेम्याह जो अधिपति था, अर सिदकिय्याह; 2 सरायाह, अजर्याह, यिर्मयाह; 3 पशहूर, अमर्याह, मल्किय्याह; 4 हत्तूश, शबन्याह, मल्‍लूक; 5 हारीम, मरेमोत, ओबद्याह; 6 दानिय्येल, गिन्‍नतोन, बारूक; 7 मशुल्‍लाम, अबिय्याह, मिय्यामीन; 8 माज्याह, बिलगै अर शमायाह; ये तो याजक थे। 9 लेवी ये थेः आजन्याह का बेट्टा येशुअ, हेनादाद की सन्तान म्ह तै बिन्‍नूई अर कदमीएल; 10 अर उनके भाई शबन्याह, होदिय्याह, कलीता, पलायाह, हानान; 11 मीका, रहोब, हशब्याह; 12 जक्‍कूर, शेरेब्याह, शबन्याह। 13 होदिय्याह, बानी अर बनीनू; 14 फेर प्रजा के प्रधान ये थेः परोश, पहत्मोआब, एलाम, जत्तू, बानी; 15 बुन्‍नी, अजगाद, बेबै; 16 अदोनिय्याह, बिगवै, आदीन; 17 आतेर, हिजकिय्याह, अज्जूर; 18 होदिय्याह, हाशूम, बेसै; 19 हारीफ, अनातोत, नोबै; 20 मग्पीआश, मशुल्‍लाम, हेजीर; 21 मशेजबेल, सादोक, यद्दू; 22 पलत्याह, हानान, अनायाह; 23 होशे, हनन्याह, हश्शूब; 24 हल्‍लोहेश, पिल्हा, शोबेक; 25 रहूम, हशब्ना, मासेयाह; 26 अहिय्याह, हानान, आनान; 27 मल्‍लूक, हारीम अर बानाह।

28 बाकी इस्राएली माणस यानिके याजक, लेवीय, द्वारपाल, गवैये अर नतीन माणस, अर जितने परमेसवर के नियम-कायदे मान्‍नण कै खात्तर देश-देश के माणसां तै न्यारे होए थे, उन सारया नै अपणी जनानियाँ अर उन बेट्टे-बेटियाँ समेत जो समझण आळे थे, 29 अपणे भाई रईसां तै मिलकै कसम खाई, के हम परमेसवर के उस नियम-कायदे पै चालागें जो उसके दास मूसा के जरिये दिये सै, अर अपणे प्रभु यहोवा के सारे हुकम, नियम अर विधि मान्‍नण म्ह चौकसी करागें। 30 हम ना तो अपणी बेट्टी इस देश के माणसां तै ब्याहवांगे, अर ना अपणे बेट्यां खात्तर उनकी बेट्टी ब्याह लेवांगे। 31 अर जिब पड़ोसी देशां के माणस विश्रामदिन म्ह अन्‍न या कोए बिकाऊ चिज्जां नै बेचण ले आवैंगे फेर हम उनतै ना तो विश्रामदिन म्ह ना किसे पवित्र दिन म्ह किमे लेवांगे*; अर सातवें साल म्ह धरती* पड़ी रहण देवांगे, अर अपणे-अपणे कर्ज की वसूली छोड़ देवांगे*।

32 फेर हमनै इसा नियम बाँध लिया जिसतै हमनै अपणे परमेसवर के भवन की उपासना खात्तर हर साल एक-एक तिहाई शेकेल* देणा पड़ैगा: 33 यानिके भेंट की रोट्टी अर रोज अन्‍नबलि अर रोज होमबलि कै खात्तर, अर विश्रामदिनां अर नये चाँद अर नियत त्यौहारां के बलिदानां अर अन्य पवित्र भेटां अर इस्राएली माणसां के प्रायश्चित के निमित्त पापबलियाँ खात्तर, यानिके अपणे परमेसवर के भवन के सारे काम खात्तर। 34 फेर के याजक, के लेवीय, के आम आदमी, हम सारया नै इस बात कै ठहराण कै खात्तर चिट्ठी गेरी, के अपणे पितरां के घरान्यां कै मुताबिक हर साल ठहराए होए बखतां पै लाकड़ी की भेंट नियम-कायदे म्ह लिक्खी होई बात्तां कै मुताबिक हम अपणे परमेसवर यहोवा की वेदी पै जळाण खात्तर अपणे परमेसवर के भवन म्ह ल्याया करागें*। 35 हम अपणी-अपणी भूमि की पैहली उपज अर सारे ढाळ के दरखतां के पैहले फळ हर साल यहोवा के भवन म्ह ले आवैंगे*। 36 अर नियम-कायदे म्ह लिक्खी होई बात कै मुताबिक, अपणे-अपणे पहलौठे बेट्यां अर पशुआं, यानिके पहलौठे बाछड़या अर मेमन्याँ नै अपणे परमेसवर के भवन म्ह उन याजकां कै धोरै ल्याया करागें, जो म्हारे परमेसवर के भवन म्ह सेवा पाणी करै सैं। 37 हम अपणा पैहला गूँध्या होया आटा, अर ठाई होई भेंटां, अर सारे ढाळ के दरखतां के फळ, अर नया दाखमधु, अर टटका तेल, अपणे परमेसवर के भवन की कोठड़ियाँ म्ह याजकां कै धोरै, अर अपणी-अपणी भूमि की उपज का दशमांश लेवियाँ का धोरै ल्याया करैगें; क्यूँके वे लेवीय सैं, जो म्हारी खेत्ती के सारे नगरां म्ह दशमांश लेवै सैं*। 38 जिब-जिब लेवीय दशमांश लें, जद-जद उनकै गैल हारुन की सन्तान का कोए याजक रह्या करै; अर लेवीय दशमांशां का दशमांश म्हारे परमेसवर के भवन की कोठड़ियाँ म्ह यानिके भण्डार म्ह पोहचाया करैगें*। 39 क्यूँके जिन कोठड़ियाँ म्ह पवित्र जगहां के बरतन अर सेवा पाणी करण आळे याजक अर द्वारपाल अर गवैये रहवैं सैं, उन म्ह इस्राएली अर लेवीय, नाज, नये दाखमधु, अर ताजे तेल की ठाई होई भेंट पोहचावैंगे। इस तरियां हम अपणे परमेसवर के भवन नै ना छोडागें।