Neemias 13

12 फेर तै सारे यहूदी नाज, नये दाखमधु अर ताजे तेल के दशमांश भण्डारां म्ह ल्याण लाग्गे। 13 मन्‍नै भण्डारां के अधिकारी शेलेम्याह याजक अर सादोक मुंशी नै, अर लेवियाँ म्ह तै पदायाह ताहीं, अर उनकै नीच्‍चै हानान ताहीं, जो मत्तन्याह का पोत्ता अर जक्‍कूर का बेट्टा था, नियुक्त करया; वे तो बिश्वासयोग्य गिणे जावैं थे, अर अपणे भाईयाँ के बीच बाँटणा उनका काम था। 14 हे मेरे परमेसवर! मेरा यो काम मेरे हित कै खात्तर याद राख, अर जो-जो आच्छे काम मन्‍नै अपणे परमेसवर के भवन अर उस म्ह की आराधना कै बारै करे सैं उननै मिटा ना दे।