7 अर मै यरुशलेम म्ह आया, फेर मन्नै जाण लिया, के एल्याशीब नै तोबियाह खात्तर परमेसवर के भवन के आँगणां म्ह एक कोठड़ी त्यार करकै बुराई करी सै। 8 इसतै मन्नै घणाए बुरा मान्या, अर तोबियाह का सारा घरेलू सामान उस कोठड़ी म्ह तै फेंक दिया।
10 फेर मन्नै बेरा लाग्या के लेवियाँ का भाग उन ताहीं न्ही दिया गया सै; अर इस कारण काम करण आळे लेवीय अर गवैये अपणे-अपणे खेत म्ह भाजगे सैं।
15 उन दिनां म्ह मन्नै यहूदा म्ह भोत्तां ताहीं देख्या जो विश्रामदिन नै हौदां म्ह दाख रौंदन्दे, अर पूळयाँ नै ले आन्दे, अर गध्यां पै लाद्या करदे; उस्से तरियां वे दाखमधु, दाख, अंजीर अर कई ढाळ के बोझ विश्रामदिन म्ह यरुशलेम म्ह ल्याया करदे; फेर जिस दिन वे भोजनवस्तु बेच्या करदे, उस्से दिन मन्नै उन ताहीं चिता दिया।
23 फेर उन्हे दिनां म्ह मन्नै इसे यहूदी दिखाई दिये, जिननै अश्दोदी, अम्मोनी अर मोआबी छोरी ब्याह ली थी।
31 फेर मन्नै लाकड़ी की भेंट ल्याण आळयां के खास बखत ठहरा दिए, अर पैहली-पैहली उपज के देण का प्रबन्ध भी करया। हे मेरे परमेसवर! मेरे हित कै खात्तर मेरे ताहीं याद कर।