यहूदियाँ के दुश्मनां का बिरोध करणा
1 जिब सामरिया के शासक सम्बल्लत नै सुण्या के यहूदी माणस शहरपनाह नै बणावै सैं, फेर वो घणा छो म्ह होग्या, अर चिढ़कै यहूदियाँ नै मजाक म्ह उड़ाण लाग्या। 2 वो अपणे भाईयाँ के अर सामरिया की सेना कै स्याम्ही न्यू कहण लाग्या, "वे कमजोर यहूदी के करणा चावै सैं? के वे वो काम अपणे बल तै करैगें? के वे अपणी जगहां मजबूत करैगें? के वे यज्ञ करैगें? के वे आज ए सारै नै निपटा देवैंगे? के वे माट्टी के ढेरां म्ह के जळे होए पत्थरां नै फेर नये सिरे तै बणावैगें?" 3 उसकै धोरै तो अम्मोनी तोबियाह था, अर वो कहण लाग्या, "जो कुछ वे बणावै सैं, जै कोए लोमड़ी भी उसपै चढ़ै, तो वो उनकी बणाई होई पत्थर की शहरपनाह नै तोड़ देवैगा।"
9 पर हमनै अपणे परमेसवर तै प्रार्थना करी, अर उनके डर के मारे उनके खिलाफ दिन-रात के रुखाळे ठहरा दिए।
16 अर उस दिन तै मेरे आध्धे सेवक तो उस काम म्ह लाग्गे रहे अर आध्धे बर्छी, तलवार, धनुष अर झिलम नै धारण करे रह्या करदे; अर यहूदा के सारे घराने के पाच्छै हाकिम रह्या करदे। 17 शहरपनाह नै बणाण आळे अर बोझ के ढोणआळे दोन्नु भार उठाया करदे, यानिके एक हाथ तै काम करया करदे अर दुसरे हाथ तै हथियार पकड़े रहवैं थे। 18 राजमिस्त्री अपणी-अपणी जाँघ पै तलवार लटकाए होए बणाया करदे। अर नरसिंगे का फूँकण आळा मेरे गैल रह्या करदा4:18 करदा इस यंत्र का काम चेतावनी या युद्ध का आह्वान करणा था।। 20 ज्यांतै जित्त तै नरसिंगा थमनै सुणाई दे, उड़ैए म्हारे धोरै कठ्ठे हो जाईयो। म्हारा परमेसवर म्हारी और तै लड़ैगा।"