एलीमेलेक के परिवार का मोआब जाणा
1 फेर जिन दिनां म्ह न्यायी माणस राज करया करै थे उन दिनां म्ह इस्राएल देश म्ह काळ पड्या, फेर यहूदा के बैतलहम नगर का एक माणस अपणी घरआळी अर दोन्नु बेट्यां नै गैल लेकै मोआब कै देश म्ह परदेशी होकै रहण कै खात्तर चल्या1:1 परदेशी होकै रहण कै खात्तर चल्या पुराणे नियम के न्यायाधीश अनिवार्य रूप तै कई वर्तमान समाज म्ह खास माणसां के समान थे। उननै ना सिर्फ लोगां के बीच मत भेदां का न्याय करया, बल्कि वे खास रूप तै इसे नेता थे जिन नै इस्राएल के जीवन ताहीं दिशा दी थी।
16 पर रूत नै उतर दिया, "तू मेरे तै या बिनती ना करै, के मन्नै छोड़कै उलटी चली जा; क्यूँके जित्त तू जावैगी ओड़ै मै भी जाऊँगी; जित्त तू रहवै ओड़ै मै भी रहूँगी; तेरे माणस मेरे माणस होवैंगे, अर तेरा परमेसवर मेरा परमेसवर होवैगा; 17 जित्त तू मरैगी ओड़ै मै भी मरुँगी, अर ओड़ैए मेरे ताहीं माट्टी दी जावैगी। जै मौत नै छोड़ और किसे कारण मै तेरे तै न्यारी होऊँ, तो यहोवा मेरे तै उस्से तरियां बल्के उसतै भी घणा करै।"
20 फेर नाओमी नै उनतै कह्या, "मन्नै नाओमी ना कहो, मन्नै मारा1:20 मारा कड़वा कहो, क्यूँके सर्वशक्तिमान नै मेरे ताहीं बड़ा दुख दिया सै। 21 मै हरी-भरी परदेस गई थी, पर यहोवा मेरे ताहीं खाल्ली हाथ लेकै आया सै। इस करकै यहोवा नै ए मेरे खिलाफ गवाही दी, अर सर्वशक्तिमान नै मेरे ताहीं दुख दिया सै, फेर थम मेरे ताहीं क्यूँ नाओमी कहो सो?"