प्रेरिता रे काम 7

44 साक्षिया रा तम्बू सुनसाण जगा रे आसा रे बाप-दादेया बीचे था, जेड़ा परमेशरे ठईराया, जिने मूसे खे बोलेया, "जेड़ा तैं आयी की देखी राखेया, तिजी रेई मुताबिक इजी खे बणा।" 45 तेसी तम्बूओ खे आसा रे बाप-दादे पुराणे जमाने ते पाई की यहोशूए साथे एती ल्याए, जेस बखते तिने अन्य जातिया रा अक्क पाया, जो परमेशरे आसा रे बाप-दादेया रे सामणे ते निकयाल़ी ता और से तम्बू राजा दाऊदो रे बखतो तक रया। 46 दाऊदो पाँदे परमेशरे कृपा कित्ती, तेबे तिने बिनती कित्ती कि मां याकूबो रे परमेशरो खे मन्दर बनाणा। 47 पर तेसरे पाऊ सुलेमाने परमेशरो खे मन्दर बणाया। 48 पर परमप्रदान आथो रे बणाए रे मन्दरो रे नि रंदा, जेड़ा कि भविष्यबक्ते री कताबा रे परमेशरे बोलेया,

49 "परमेशर बोलोआ कि स्वर्ग मेरा सिंहासन और तरती मेरे पैरो री चौकी ए,

माखे तुसा केड़ा मन्दर बनाणा?

मेरे राम करने री कुण जी जगा ऊणी?

50 क्या यो सब चीजा मेरे आथो की निए बणाई रिया?"