यूहन्ना 3

3 यीशुए तेसखे बोलेया, "आऊँ ताखे सच्च-सच्च बोलूँआ कि जे कोई नये सिरे ते नि जम्मो, तो परमेशरो रा राज्य जेती परमेशर राज करोआ देखी नि सकदा।" 4 नीकुदेमुसे तिना खे बोलेया, "जेबे माणूं स्याणा ऊई गा, तेबे किंयाँ जम्मी सकोआ? क्या से आपणी आम्मा रे गर्भो रे दूजी बार जाई की जम्मी सकोआ?" 5 यीशुए बोलेया, "आऊँ ताखे सच्च-सच्च बोलूँआ कि जदुओ तक कोई माणूं पाणी और आत्मा साथे नि जम्मो, तो से परमेशरो रे राज्य रे नि जाई सकदा।