यूहन्ना 7

त्योआरो रे यीशुए रा उपदेश

14 जेबे त्योआरो रे आदे दिन बीतीगे, तेबे यीशु मन्दरो रे आँगणो रे जाई की उपदेश देणे लगे। 15 तेबे यहूदिये हैरान ऊई की बोलेया, "एसखे बिना पढ़े बिद्या केथा ते आईगी?" 16 यीशुए तिना खे बोलेया, "मेरा उपदेश मेरा नि, बल्कि मेरे पेजणे वाल़े राए। 17 जे कोई परमेशरो री इच्छा पाँदे चलणा चाओ, तो तेसखे एस उपदेशो रे बारे रे पता लगी जाणा कि ये परमेशरो रिया तरफा तेया या आऊँ आपू ते बोलूँआ। 18 जो आपू ते कुछ बोलोआ, से आपणी तारीफ चाओआ, पर जो आपणे पेजणे वाल़े री तारीफ चाओआ, सेई परोसे रे जोगा ए और से पापी निए।