Marcos 3

सूके रे आथो वाल़े माणूंए खे ठीक करना

1 यीशु प्रार्थना रे कअरो रे फेर गए, तेबे तेती एक माणूं था, जेसरा आथ सूकेया रा था। 2 तेबे कुछ फरीसी यीशुए पाँदे दोष लगाणे खे और तिना खे काणे रे चक्रो रे थे कि देखूँए कि रामो रे दिने तेसखे ये ठीक करोआ की नयी। 3 तिने सूके रे आथो वाल़े माणूंए खे बोलेया, "बीचे जे खड़ा ऊई जा।" 4 तेबे यीशुए फरीसिया खे बोलेया, "रामो रे दिने बिधानो रे मुताबिक खरा करना ठीक ए या बुरा करना, प्राण बचाणा या मारना।" पर सेयो चुप रए। 5 तेबे यीशुए तिना रे मनो रे जिद्दी सबाओ ते उदास ऊई की तिना खे रोषो रे चऊँ कनारो खे देखेया और तेस माणूंए खे बोलेया, "आपणा आथ आगे कर" तिने आगे कित्तेया और तेसरा आथ ठीक ऊईगा।