Marcos 5

38 तेबे प्रार्थना रे कअरो रे सरदारो रे कअरे पऊँची की तिने लोक रोंदे ऊए और राड़िया देंदे ऊए देखे। 39 तेबे यीशुए पीतरे जाई की तिना खे बोलेया, "तुसे रोणे और राड़िया कऊँ लगी रे देणे? तेरी मुन्नी मरी नि रई, पर सऊणे लगी री।" 40 सेयो ये गल्ल सुणी की यीशुए रा मजाक लगे ऊड़ाणे, पर तिने सब जणे बारे निकयाल़ी की मुन्निया रे माए-बाओ और आपणे तीनो चेलेया साथे पीतरे गया, जेती मुन्नी थी पड़ी री। 41 तेबे तिने मुन्निया रा आथ पकड़ी की तेसा खे बोलेया, "तलीता कूमी!" मतलब "ओ मुन्निए आऊँ ताखे बोलूँआ कि उठ।" 42 तेबे मुन्नी उठी और फटाफट चलणे-फिरने लगी। से बारा साला री थी। ये देखी की सारे लोक बऊत हैरान रई गे।