मलाकी 2

15 पक्का यहोवे ई तुसे कट्ठे जोड़ी राखे। तुसा री आत्मा ओर तुसा रा शरीर तेसरे ई ए। इजी री खातर से तुसा ते परमेशरो ते प्यार करने वाल़ी ल्वाद चाओआ। इजी री खातर तुसे सब आपणी-आपणी लाड़िया साथे वफादार बणे दे रओ। जेसा साथे तुसे जवानिया दे ब्या कित्तेया था। 16 इस्राएलो रा परमेशर यहोवा ईंयाँ बोलोआ, "जो मर्द आपणी लाड़िया ते प्यार नि करदा, बल्कि तेसा खे छाडी देओआ, से आपणे टाल्ले उपद्रवो ते टखोआ।" सेना रे यहोवे री ये बाणी ए। इजी री खातर तुसे आपणी आत्मा दे बची की रओ, ओर विश्वासघात करने वाल़े नि बणो।