Romanos 10

12 यहूदिया रे और यूनानिया रे कोई फर्क निए, कऊँकि परमेशर सबी रा प्रभु ए और आपणे सब नाओं लणे वाल़ेया खे उद्धार ए। 13 जिंयाँ पवित्र शास्त्रो रे लिखी राखेया, "जेस केसी प्रभुए रा नाओं लणा, तेसरा उद्धार ऊणा।"

14 पर जेस पाँदे तिने विश्वास नि कित्तेया, सेयो तेसरा नाओं किंयाँ लओ? और जेसरे बारे रे सुणेया नि, तेस पाँदे विश्वास किंयाँ करना और प्रचारका ते बिना किंयाँ सुणना? 15 और जे पेजे नि जाओ, तो किंयाँ प्रचार करो? जेड़ा पवित्र शास्त्रो रे लिखी राखेया, "तिना रे पैर केड़े खरे ए, जो अच्छी गल्ला रा सुसमाचार सुणाओए।"

16 पर सबी इस्राएलिए तेस सुसमाचारो पाँदे विश्वास नि कित्तेया। जेड़ा यशायाह भविष्यवक्ता बोलोआ, "ओ प्रभु, किने आसा रे सुसमाचारो पाँदे विश्वास करी राखेया?" 17 तो विश्वास सुणने ते और सुणना मसीह रे वचनो ते ओआ।