1 कुरिन्थियों 15

22 एल्हेरेलेइ एक्‍की मैन्हेरे पापेरे यानी आदमेरे वजाई सेइं सब मैन्हु मरतन, तेन्च़रे एक्‍की मैन्हेरे ज़िरिये सेइं यानी यीशु मसीहे वजाई सेइं सारे फिरी मुड़दे ज़ींते किये गाले। 23 पन हर कोई ठीक तरीके सेइं ज़िन्दगरे लेई वापस एज्जेलो, पन मसीह मुड़दन मरां ज़ींतो भोनेबालो पेइलोए, फिरी ज़ैन लोकां केरो रिश्तो तैस सेइं साथीए, तैना भी ज़ींते भोल्हे। 24 एसेरां पत्ती, मसीह सैरी दुष्ट शेक्ति नाश केरेलो ज़ैना परमेशरेरी खलाफत केरतिन। ते दुनियारो खातमों भोल्हो। तैखन मसीह, अपने बाजी परमेशर अपनु राज़, राज़ केरनेरे लेई पूरे तरीके सेइं देलो। 25 मसीहे तेइस तगर राज़ेरू ज़ेरू राज़ केरनू ज़रूरीए, ज़ांतगर परमेशर तैसेरे सारे दुश्मन्न तैसेरे अधीन न केरे।