1 थिस्सलुनीकियों 5

6 एल्हेरेलेइ अस होरि केरे ज़ेरे झ़ुलोरे न रहम, पन बींझ़े रहम ते हुशार रहम। 7 किजोकि ज़ैना झ़ुलोरे रातन, तैना राती झ़ुलतन, ते ज़ैना नशे मां रातन, तैना राती नशे मां भोतन। 8 पन अस त दीसेरेम, विश्वास ते प्यार लेइतां कि इश्शी हिफाज़त भोए ज़ेन्च़रे झिलम सिपेहेरी हिफाज़त केरतीए, ते मुक्तरे उमीद लेइतां ज़ेन्च़रे सिपाही टोप लाते, खबरदार रहम। 9 किजोकि परमेशरे अस सज़ाहरे ते क्रोधेरे लेई नईं, पन एल्हेरेलेइ च़ुनोरेम कि अस अपने प्रभु यीशु मसीहेरे ज़िरिये सेइं मुक्ति हासिल केरम।