21 ते तुस ज़ैना पेइले परमेशरे करां दूर थिये, ते बुरे कम्मन सेइं मने सेइं बैरी थी। 22 फिरी भी परमेशर अपने मट्ठे यीशुएरे मैन्हु बन्ने सेइं ते क्रूसे पुड़ मौतरे ज़िरिये तुश्शो मेल कराव, ताके तुसन एप्पू कां पवित्र ते बे दाग ते बेइलज़ाम हज़ार केरे। 23 पन तुस मसीह पुड़ विश्वास केरनेरे मां बुनियादरे ज़ेरे मज़बूत राथ, ते तैस खुशखेबरारे उमीदी पुड़ ज़ै तुसेईं शुनोरी एन शारथ, ज़ेसेरो प्रचार अम्बरे करां बुन सैरी सृष्टि मां कियो जेव; ते ज़ैस मां अवं पौलुस सेवक बनो।