इफिसियों 3:14-19

मसीहेरो प्यार

14 एल्हेरेलेइ अवं तैस बाजी परमेशरेरे कां ज़ैधू केरे भारे प्राथना केरताईं, 15 तैए आहे ज़ै सुर्ग ते धेरती पुड़ रानेबाले विश्वासी लोकां केरो बाजी। 16 कि तै अपने महिमारे धनेरे मुताबिक तुसन इन दान दे, कि तुस तैसेरी आत्माई सेइं अपनो एन्त्रियों मैन्हु मां शक्ति हासिल केरतां मज़बूत भोते गाथ। 17 ते विश्वासे सेइं मसीह तुश्शे दिले मां राए, कि तुस प्यारे मां ज़ील छ़ेडतां ते मुनीयाद छ़ेडतां, 18 सब पवित्र लोकन सेइं रोड़ेच़ारे समझ़नेरी शक्ति हासिल केरा; कि तैसेरी चौड़ाई, ते लमबाई, ते ऊँचाई, ते डुग्घार केत्रोए। 19 ते अवं प्राथना केरताईं कि तुस मसीहेरे तैस प्यारे सेमझ़ी बटतथ ज़ै समझ़ी करां बेइरे, कि तुस परमेशरेरी भरपूरी सेइं भेरोते गाथ।