Marcos 1

यीशु एक्‍की कोढ़ी मैन्हु बज़्झ़ाते।

40 तैल्‍ला पत्ती, एक्सां अक कोढ़ी मैन्हु यीशु कां अव। तैनी मैन्हे यीशुएरे सामने ज़ैन्धु केरे भारे बिशतां तैस कां मिन्नत केरतां तैस सेइं ज़ोवं, "अगर तू चास, त मीं बज़्झ़ेई सकतस। (महरबानी केरतां मीं बज़्झ़ा।)" 41 यीशुए तैस मैन्हु पुड़ तरस खाव। यीशुए अपनो हथ अग्रोवं कियो त तैस कोढ़ी मैन्हु सेइं हथ लेहितां*1:41 हथ लेइतां: पन सारे लोक समझ़ते थिये कि कोढ़ी मैन्हु सेइं हथ लानो ज़ुठो (गन्दो) आए। ज़ोवं, "अवं चाताईं, तू बज़्झ़ोस।" 42 अकदम तै कोढ़ी बेज़्झ़ोईं जेव।