15 कुन तैनी अक्‍के नईं बनेवरी हालांकि होरि भी आत्मा तैस कां थी? ते एक्‍के किजो बनाई? एल्हेरेलेइ कि तै परमेशरेरे काबल औलाद चाते। एल्हेरेलेइ तुसां अपने आत्मारे बारे मां खबरदार राथ, ते तुसन मरां कोई अपने जुवैनरे कौन्शी सेइं धोखो न केरे। 16 किजोकि इस्राएलेरो परमेशर यहोवा एन ज़ोते, "अवं फारख्ती देने सेइं नफरत केरताईं, ते तैस सेइं भी ज़ै अपने लिगड़े ज़ुलमे सेइं ढकते। एल्हेरेलेइ तुसां एपनी आत्मारे बारे मां खबरदार राथ, ते धोखो न केरा, सेना केरो यहोवा एन ज़ोते।"