7 ମୁୟ୍‌ଁ ଜଃନ୍‌କଃରି ଅଃଦିକ୍‌ ଗଃର୍ବି ନଃୟ୍‌, ଇତାର୍‌ ଗିନେ ମର୍‌ ଗଃଗାଳେ ଗଟେକ୍‌ କାଟା ଦିଆଗଃଲି, ମକ୍‌ ମାରୁକେ ସୟ୍‌ତାନ୍‌ ଦୁତ୍‌କେ ହଃଟାୟ୍‌ଲି, ହେଁ, ଜଃନ୍‌କଃରି ମୁୟ୍‌ଁ ଅଃଦିକ୍‌ ଗଃର୍ବି ନାୟ୍‌ । 8 ଜଃନ୍‌କଃରି ସେରି ମର୍‌ ତଃୟ୍‌ହୁଣି ଦୁରିକ୍‌ ଅୟ୍‌ଦ୍‌, ଇତାର୍‌ ଗିନେ ମୁୟ୍‌ଁ ମାପୁର୍‌କେ ସେ ବିସୟେ ତିନିତର୍‌ ଗଃଉଆରି କଃଲେ । 9 ଆର୍‌ ସେ ମକ୍‌ କୟ୍‌ଆଚେ, ମର୍‌ ଦଃୟା ତୁମାର୍‌ ଗିନେ ସଃରି, କାୟିତାକ୍‌ବଃଲେକ୍‌ ଦୁର୍ବୁଳ୍‌ ତଃୟ୍‌ ମର୍‌ ସଃକ୍ତି ହୁରୁଣ୍‌ ଅୟ୍‌ଦ୍‌ । ତଃବେ, ଜଃନ୍‌କଃରି କ୍ରିସ୍ଟର୍‌ ସଃକ୍ତି ମର୍‌ ଉହ୍ରେ ଆସେଦ୍‌, ଇତାର୍‌ ଗିନେ ମୁୟ୍‌ଁ ବଃଡେ ସଃର୍ଦାୟ୍‌ ମଃତର୍‌ ମର୍‌ ଦୁର୍ବୁଳ୍‌ ତଃୟ୍‌ ଗଃର୍ବ୍‌ କଃରିନ୍ଦ୍‌ । 10 ତଃବାର୍‌ଗିନେ କ୍ରିସ୍ଟର୍‌ ଗିନେ ଦୁର୍ବୁଳ୍‌ ତଃୟ୍‌, ଅପ୍‌ମାନେ, ଦୁକେ, ତାଳ୍‌ନା ତଃୟ୍‌, ବିପ୍‌ତି ତଃୟ୍‌ ମୁୟ୍‌ଁ ସଃର୍ଦା ଅୟ୍‌ନ୍ଦ୍; କାୟିତାକ୍‌ବଃଲେକ୍‌ ଜଃଡେବଃଳ୍‌ ମୁୟ୍‌ଁ ଦୁର୍ବୁଳ୍‌, ସଃଡେବଃଳ୍‌ ମୁୟ୍‌ଁ ବଃଳ୍‌ବାନ୍ ।