1 ईसु मसीन उजेंता बुले, च तीनाक भगवान असु करीन देदु की आपसा चाकर्याक चे वात, तीनुक मामार हवणु की हवणु छे, देखाड़े; ने हयु आपसा सरग काहवाळ्या काजे मकलीन आपसा चाकर्या युहन्नाक बताड़्यु, 2 जु भगवानेन बुल ने ईसु मसीन गवाय मतलब जो काय हयु देखलु तेरी गवाय देदु। 3 चे वारु छे ची ईनी हवणे वाळी अघली वातेन बुल काजे भणे, ने जे सामळे ने हेरेम लिखली वातेक माने; काहाकी टेम धड़ेत छे।
सातु मंडळ्यान आव-भाव
4 युहन्ना भीणी सी आसीया देसेन सांतु मंडळ्यान नावे: तेरे भीणी सी जु छे, ने जु हतलु ने जु आवणे वाळु छे:
ने तीनु सातु आत्मा भीणी सी जु तेरा बठणेन गादीन अगळ छे। 5 ने ईसु मसी भीणी सी जु भुरसा लायक गवाय ने मरला मां सी जीव उठणे वाळा मां पेहलु पुर्यु ने धरतीन बेसका राजान मालीक छे, तुहुंंक गीण-दया ने सांती जड़ती रहे।
हयु हामरे सी परम राखे, ने हयु आपसा लुही सी हामुक पापेम सी छुड़ायु, 6 ने हामुक एक राज ने आपणा बास भगवान वाटे पुजारु बी बणाय देदु; तेरोत सेक-सींगार ने ताकुतेन काम जलम हवतो रहणु चाहजे आमीन।
7 देखु ज लिखलो छे की, हयु वादळा भेळुत आवणे वाळु छे, ने हरेक ने डुळा तीनाक देखसे, मतलब जे तीनाक वेला पाड़ीन मारला चे बी देखसे, ने धरतीन आखा माणसे तेरे वजे सी छाती ठुकसे। हव। आमीन।
8 मालीक भगवान, जु छे ने जु हतलु ने जु आवणेवाळु छे, जु आखाम सी ताकतवाळु छे, चु असु कह्वे, "मेत अल्फा ने ओमेगा छे।"
युहन्नाक मसीन बारामां जागतो सपनो
9 मे युहन्ना, जु तुंद्रु भाय ने ईसुन दुख ने राज्य ने दम धरने मां तुंद्रे भेळु भेसकायलु छे, भगवानेन बुले ने ईसुन गवायन वजे सी पतमुस नावेन टापा मां हतलु। 10 मे मालीकेन दाहड़े आत्माम आय गुयु, ने आपणे पछळ फेप्यान तसा मटात बुले असो कवता सामळ्यु, 11 "ज काय तु देखे तीनाक किताप मां लिखीन सांतु मंडळ्याक पुगाड़ दे, मतलब ईफीसुस, ने समुरना, ने पीरगमुन, ने थुवातीरा, ने सरदीस, ने फीलदीलफीया, ने लोदीकीया काजे।"
12 तत्यार मे तीनाक, जु मारे सी बुलतेलु, देखणे वाटे मारो मुंहडो फेरव्यु; ने पछु वळीन मे सनान सात दिवा देख्यु, 13 ने तीनु दिवान ईचमां माणसेन पुर्यान तसु एक माणुस काजे देख्यु, जु पाये लगुन पुथल्या पेहरलु, ने छाती पर सनान फेटु बांद्लो हतलो। 14 तेरे मुणको ने कान्या धवळा जसा बरफेन तसों उजेळ्ळो हतलो, ने तेरा डुळा आकठान ईंगाळान तसा हतला। 15 तेरा पांय वारलु पीतळेन तसा हतला जसा मानु की भाटी मां हळो-हळो तातो करलो हय, ने तेरा बुले बेसका पाणीन आवाजेन तसा हतला। 16 चु आपसा जेवड़्या हात मां सात तारा ली रवलु, ने तेरा मुंहडाम सी 1:16 पाजावली दुय धारी छर-छर तलवारपाजावली दुयधारी छर-छर तलवार नीकळने बाजी रवली। ने तेरा मुंहडाम सी माथे दाहड़े भीबळन्या दाहड़ान तसों बेसके जुरे भीबळी रह्लो। 17 जत्यार मे तीनाक देख्यु, ती मे तेरा पाये पर मरलान तसु हीट पड़्यु। ने चु मारे उपर आपसु जेवड़्यु हात मेकीन कह्यु, तु बीहे मां; मे पेहलु1:17 मेत पेहलु, ने आकरी ने तेरो मतलब छे; सुरु मां आखी कळ-जुग घड़न्यु मेत छे, ने आखी कळ-जुग सारनु बी मेत छे। ने आकरी ने जीवतेलु छे; 18 मे मर गुयलु, ने हय देख मे मर्या-सर्याम सी बठु हय्न जलम पीड़ीडीट जीवतु छे; ने मोतन कुची ने पाताळेन कुची मारेत धड़े छे। 19 तेरेमां जी वात तु देखलु छे ने जी वात हय रय ने जी वात हेरे पछळ हवणे वाळी छे, तीनु आखी काजे लिख ले। 20 मतलब तीनु सांतु तारान सातायली वात जीनुक तु मारे जेवड़्ये हात मां देख्यु, ने तीनु सात सनान दिवान सातायली वात: चे सात तारा सांतु मंडळ्यान सरग काहवाळ्या छे, ने चे सात दिवा सात मंडळ्या छे।