पांचवों फेप्यो वाजाड़नु
1 जत्यार पांचवु सरग वाळु काहवाळ्यु फेप्यो फुक्यु, ती मे सरग सी धरती पर एक तारु नेचु पड़तेलु देख्यु, ने तीनाक उंडला कुंडेन9:1 जां भुतड़ा काजे मेल रहे कुची देदली हतली। 2 हयु उंडला कुंड काजे खुल्यु, ने कुंड मां सी मट्ली भट्टीन तसों कुळु उठ्यु, ने कुंडेन कुळा सी दाहड़ु ने वाहळी पर आंदारो छावाय गुयो। 3 तीना कुळा मां सी धरती पर टिड्डा नीकळ्या, ने तीनुक धरतीन ईछान तसा ताकत आपली छे। 4 तीनुक कह्लो छे की नी धरतीन चाराक, नी काहनीक मेरेक, ने नी काहनाक झाड़काक नुकसाण करे, बाकुन तीनु माणसेन अतरात नुकसाण करजु जींद्रे नींडाळा पर भगवानेन सील नी हय। 5 ने तीनु माणसेक मार नाखणेन ती नी, बाकुन पांच महना लग माणसेक दुख देणेन हक आपलो हतलो; ने तींद्रु दुख असु हतलु, जसु ईछु चावणे सी माणसेन दुखे। 6 तीनु दाहड़ा मां माणसे मुत हेरसे, ने मुत नी जड़से, ने मरने चाहसे, ने मुत तींद्रे सी ढास्से।
7 चे टिड्डा घुल्लान तसा लड़ाय करने करीन तीयार हया, ने तींद्रा मुणका पर मानु सनान मुड़ हतली; ने तींद्रा मुंहडा माणसेन तसा हतला। 8 तींद्रा कान्या बायरीन कान्यान तसा, ने दात नाहरेन दात जसा हतला। 9 चे लुहड़ान तसों लुहड़ान झीलम पेहरला हतला, ने तींद्रा पाखड़ान अवाज असो हतलो जसा घुड़ागाड्या ने घुल्ला दवड़े। 10 तींद्री छेम्टी ईछान तसी हतली, ने तेरेमां आवळ हतली, ने तीनुक पांच महना लग माणसे काजे नुकसाण करनेन जी ताकत जड़ली हतली, ची तींद्री छेम्टी मां हतली। 11 उंडला कुंडेन सरग वाळु काहवाळ्यु तीनु पर राजु हतलु, तेरो नाव ईब्रानीयो मां अबद्योन, ने युनानी मां अपुल्लयोन छे।
12 पेहली गरा वीत गुयली छे, हय हेरे बात दुय गरा अळी आवणे वाळी छे।
छटवो फेप्यो वाजाड़नु
13 जत्यार छटवु सरग वाळु काहवाळ्यु फेप्यो फुक्यु ती जु सनान चड़ावान जागु भगवान अगळ छे तींद्रा सींगड़ा मां सी मे असु अवाज सामळ्यु, 14 मानु कुय छटवु सरग वाळा काहवाळ्या सी, तेरे धड़े फेप्यो हतलो कह्णे बाजी र्यु, "तीनु चारु सरग वाळा काहवाळ्या काजे मट्ली नदी फरात धड़े बांदायला छे, खुल दे।" 15 ने चे चारु सरग वाळा काहवाळ्याक छुड़ी देदा जे तीनी घड़ी, ने दाहड़ु, ने महना, ने साल भर वाटे माणसेन तीन हीस्सा मायन एक हीस्सा काजे मार नाखणे करीन तीयार करला हतला। 16 तींद्री सीपायड़ान सवारीन गिन्ती वीस कुरुड़ हतली; मे तींद्री गिन्ती सामळ्यु। 17 ने मेसेक चे घुल्ला ने घुल्ला पर बठी रवला देखाव पड़्या, तींद्री छाती पर लुहड़ान झीलम्या आकठान तसा रातला, नीलमणीन तसा नीळ्ळा, ने गन्धकेने तसा पेळ्ळा हतला, तीनु घुल्लान मुणका नाहरेन तसा हतला: ने तींद्रा मुंहडा सी आकठो, कुळु, ने गन्धक नीकळतेलो। 18 ईनु तीनु रुग्टान; मतलब आकठो, कुळु, गन्धक सी, जो तींद्रा मुंहडा सी नीकळतेलो, माणसेन तीन हीस्सा मायन एक हीस्सु माराय गुया। 19 काहाकी तीनु घुल्लान ताकत तींद्रा मुंहडा, ने तींद्रा छेम्टा मां छे; काहाकी तींद्रा छेम्टा घड़सान तसा हतला, ने तीनु छेम्टान मुणका बी हतला, ने तींद्रे सीत चे नुकसाण करे।
20 रवला माणसे जे तीनु हाड़ाम सी नी मर्या, आपसा हातेन कामे सी मन नी फेरव्या, काहाकी भुतड़ान आत्मान, ने सनो, चांदी, पीतळ, दगड़ु, ने धुळान मुरतीन पुजा नी करे, जे नी देखे, नी सामळे, ने नी चाल सके। 21 ने जे खुन, ने जादु टुणा, ने छीनाळो, ने चुरी, चे करला हतला, तींद्रे सी मन नी फेरव्या।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)