1 तत्‌यार मे नवली सरग ने नवली धरती काजे देख्‌यु, काहाकी पेहली सरग ने पेहली धरती जाती रहतेली, ने दरीया बी नी रवी। 2 अळी मे चुखला सहर नवला यरुसलेम काजे सरग सी भगवानेन धड़े सी उतरतेला देख्‌यु, ने हयु तीनी लाडीन तसी हतलु, जी आपसा अदमी वाटे सींगारु करली छे। 3 अळी मे राजगादी काहनाक मां सी काहनाक काजे उची अवाज सी असो कवता सामळ्‌यु, देखु, भगवानेन माणसेन ईचमां छे; हयु तींद्‌रे साते डेरा करसे, ने चे तेरा माणसे बणसे, ने भगवान आपसु तींद्‌रे साते रवसे; ने तींद्‌रु भगवान रवसे। 4 ने हयु तींद्‌रा डुळा सी आखा आसा नुछी देसे, ने तेरे पछेन मरण नी रवसे, ने नी दुख, नी आयड़्‌नु, नी पीड़ा रवसे; पेहली वाते जाती रय।