ईसु काजे गलील वाळा मटो काम करन्यु करीन माने
46 तत्यार ईसु एक कावा अळी गलील जीलान काना सहर मां आयु, चां चु पाणी काजे अंगुरेन रस बणाय देदलु। ने हीना काना सहर साते वाळा कफरनहुम सहर राजान एक खास पावर हतलु, तेरु पुर्यु मांदलु हतलु। 47 चु ज सामळ्यु की यहुदीया सी ईसु आपसान गांव मां सी गलील जीलाम आय गुयलु छे, ती चु काना सहर मां ईसु धड़े गुयु, ने ईसु सी लीलघाय्न कह्यु की चाल मारा पुर्या काजे वारु कर दे। काहाकी तेरु पुर्यु मरने वाळु हतलु। 48 ईसु गलील वाळा माणसेन कम भुरसु देखीन कह्यु, "जत्यार लग तुहुंं मटा कामेन सहलाणी नी देखु, तत्यार लग तुहुंं मार पर भुरसु नी करसु।"
49 चु राजान खास पावर्यु ईसुक कह्यु, "ए मालीक मामार चाल नेते मारु पुर्यु मर जासे।"
50 ईसु तीना राजान खास पावर्याक कह्यु, "जां तारु पुर्यु4:50 पुत्र नी मरे, चु जीवतेलु रवसे।"
चु राजान पावर्यु ईसुन ईनी वात पर भुरसु करीन जाती रयु। 51 चु राजान खास पावर्यु वाटेत हतलु, ती तीना पावर्यान, पावर्या आय्न तीनाक भेळा हया ने कह्या, "तारु पुर्यु वारु हय गुयु ने जीवतु छे।"
52 चु तीनुक पुछ्यु, "काहने टेमे मारु पुर्यु वारु हवणे बाजी गुयलु, चे कह्या काल दीसु एक बजे तेरो सेरी उतरी गुयलो।" 53 तत्यार तीना मांदला पुर्यान बासेक जी वात हेर आवी की ईसु हीनीत टेमे ज कहंलु, "जां तारु पुर्यु जीवतु छे।" ने असु करीन चु राजान पावर्यु ने तेरा घरना आखा माणसे ईसु पर भुरसु कर्या।
54 ज पेहला मायन दीसरा मटा कामेन सहलाणी हतली, जु ईसु यहुदीया सी गलील जीलाम पछु आय्न देखाड़्यु।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)