इब्रानिन 8

6 पय जउन सेबा के काम यीसु के मिलथै, ऊ उनखर सेबा काम लग बडा हबै। काखे ऊ जउन टीमा के बचामै बाले हबै, ऊ पुरान टीमा लग बडा हबै अउ बडा चीजन के टीमा हे आसरित हबै।

7 काखे अगर पहिले टीमा हे कउनो निरदोस नेहको होतिस ता दूसर टीमा के निता कउनो जिघा नेहको रही जातिस। 8 भगवान उन मनसेन के बुराई करत कथै,

"परभु हइ कथै, ऊ रोज आही,

जब मै इस्राएल के बिरादरी के निता अउ यहूदा के बिरादरी के निता अक्ठी नबा टीमा बांधहुं।

9 हइ टीमा ओसना नेहको होही जसना मै उनखर सियानन के संग ऊ टेम करे रथो,

जब मै उनही मिस्र लग निकाडै के निता उनखर मदद करे रहों। परभु हइ कथै,

उन मोर टीमा के नेहको मानिन,

इहैनिता महुं उनखर खयाल नेहको करिहों।

10 फेर परभु हइ कथै, ऊ टेम गुजर जाय के बाद मै इस्राएल देस के निता,

हइ टीमा बंधिहों मै अपन नियम उनखर मन हे डलिहों,

उनखर हिरदय हे ओही लिख दइहों।

मै उनखर भगवान हुइहों,

अउ उन मोर मनसे हुइहीं।

11 फेर तो कबहुं कउ मनसे अपन परोसी के असना नेहको सिखइहीं,

अउ न कउ मनसे अपन भाइन,

लग कबहुं कइहीं तुम परभु के चीन्हा।

काखे तब तो उन सब नान लग,

लइके बडा तक मोके जनहीं।

12 काखे मै उनखर बुराई के बारे हे दयालु रइहों,

अउ उनखर हे पाप के सुरता नेहको करहुं।"

13 भगवान हइ टीमा के "नबा" कहिके गोहराथै, इहैनिता ऊ पहिले के टीमा के खतम के दय हबै। जउन पुरान अउ बेउहार के काबिल हबै ऊ खतम होय बाले हबै।