1 Riwa Kristo a so yaa ri kpa ritu mbu, biyi ngawen ban bibi yaa nyi riwa a so rimi kpa, a ka ti meme ti chuwo nye mba. 2 Zizan hi kusi no son mbi ri wa kpa riwa bi ran hu timbye ri sron ran, tsede iti ri wa Izhi. 3 Lele ison riwa bi ran son ri sen bibi riwa wawa wana hu Izhi ran, wa wa wari ti a tsra nganyi wato wa wa yo sron rimi meme tre ri meme yo wa mbye huwa ri ntran, ison hi nga wa hu zhi riwa wana to-u ran a he kya riwa wa shma wa. 4 Wa kpan mbi wa sen wati mamaki ritu bi ran ri kabru tu riwa ri meme ti ri wa bi ran ti ntran nga-a ngaran nga nga wari kra yi tu. 5 Ama ko ngan ri la kya riwa a ti kusi Izhi riwa ari bla tre ri nji wawa wa kuu nga wawa wa ri si. 6 Ri tu ngamba nye wa tre tre ri ro kau ri wawa wa kuu, wawa ko ri wa wa bla tre ri wa rimi kpa bibi wa nji no wa fe nawo rimi wu ka Izhi.

7 Ikre ko ngye ye hwɨreri ngamba milan ki bi ri bre Izhi. 8 Ihan ko ngye, nyɨme ngambi ri bran, ritu inyɨme ri ka ko meme ti ri ko bibi ri tan. 9 Bu nkon ko mbi ri ngambi bi ri ran muru nyu ran. 10 Ko ngaa ka milan tindu ri de riwa Izhi no, bibi riwa bi dzon ngambi ritu nyɨme riwa a ngɨzhi amana Izhi kan-kan-kan. 11 Inji riwa ari tre tre Izhi no to ri wawu ri tre tre Izhi nye, nji riwa ari tindu, no ti ri senkpa riwa Izhi no, ritu rimi kyawa wawu no wa no Izhi mkpen zhu ri wo Yeso Kristo, mkpen ri gbengbren he wa ma hi ri kre, no he ngamba.

12 Biyi wa kpan won wawa me kpa nyɨme ri yi, ran ti sisiri ritu bibi tsra wawa wa fe yi no wa ran he kyawa sisa ri yi ran. 13 Ri ngamba, ti kinklan sron ri bi ka so yaa riwa Kristo, riwa bi he ri kinklan sron inde a ye chachu wan. 14 Izhi ri ti lɨbu ndindi sro yi inde wa kra yi tu ritu bi he wa hu Izhi, ritu Iyu Izhi riwa a he ri mkpen ye ritu mbi. 15 Inde bi so yaa, no yaa mbi ran he ritu wuu nji, nga wawa wa ti meme ti ko ritu yibi ko ritu gra ritu tre wanjo ran. 16 Ama inde njo so ya ritu riwa a he nji ri hu Izhi nye, to no shan no ran ti-u ran tsede no ngɨri ri Izhi ritu nde Kristo. 17 Ritu ivi ti riwa wa gra bla tre ritu wanji wa hu Izhi, ama inde ritu mbu nye wa gbuchi, to ingye nye ri he kre wawa wa ran hu tre Izhi ran? 18 Bibi riwa imbe Izhi tre ri,

<<Inde nji ri ndindi sron a jɨbu ri yaa,

ko wawa wa ran hu Izhi ran nga wa meme ti ari he ri se ri wa?>>

19 Ri ngamba, no wawa wa so yaa ritu ti Izhi, no wa ka sron mba no Izhi riwa wawu nye ti nji, wari ran ti kyawa wawa wa tsra.