1 Ki wa ki ri la yi ritu bru ye riwa Bachi Yeso Kristo mbu nga kabru mbu ri wu, ki ibreyi miri vayi, 2 ran no sisiri vu yi gbagbla ran ko no sron mbi no wulunde ritu la tre riwa Yuu, ko itre ko mbe riwa wa ngaan iri a zhuu ritu ri tre ri ivi ye Bachi nye ye. 3 Ran nyɨme no njo no gyuru yi ko rimi nkon ritu ivi nyi ran ye ran tse ichu wanyu nye ye nji riwa ari wuu nji-a ko no Izhi no ye. 4 Ari gbre ngawan han kongye riwa a bi nga han gbre Izhi. Ari hi ran kuson ri tra bre wa Izhi ri wawu nye he Izhi. 5 Bi ran taka kya riwa me ran la yi ka ki he iwayi ran? 6 Ko mbaron zizan bi to kya riwa ari rau ri wa a ran no vi ye wan no ye ran. 7 Ko zizan, mgbimgbi nyi riwa wa ran to tu wan ran wa ti-u-e tsede inde wa ban wu zho ri. 8 Imba nye ichu mgbimgbi ri ye Bachi Yeso ri fu wuu ri viri ri nyu wan ran wuu zho chachu riwa ari bru ye. 9 Inji riwa ari ti mgbimgbi a ri ye rimi gbengbren memenji nye, ran ran ti kyawa wa de sisiri ri bibi wan, ri bibi ndu ri ka ri che kankan, 10 Ngha ari gyuru wawa wa he rimi hi rinkon kuu, meme gyuru, ritu wa wa kamba ri nyime kpunji tre bibi riwa wa fe kpa chuwo. 11 Ritu nganyi, Izhi ri ngɨzhi nchon wulusu ri ye ri wa bibi riwa wa kpa tre riwa a he che. 12 Ritu riwa waka don vu nji wawa wa kamba ri kpa tre ri kpunji, nga wawa wa to ro ti meme ti.

13 Biyi miri vayi wawa bi kpa nyime ri Bachi a he riwa ki ran ngɨri ri Izhi ritu mba, ritu Izhi chu yi, no yi gbuchi fe kpa chuwo ritu Tsitsri riwa Yuu nga kpa nyime ri kpunji. 14 Ritu rinyi nye Izhi a yo yi ritu tre Izhi mba riwa ki tre bi ri ka don fe gbresan Bachi mbu Yeso. 15 Ritu nganyi miri vayi kri mgbemgbe, bi ri ngɨzhi kya riwa ki tsro yi kpekpe ko riwa ki tre ri nyu, ko riwa ki ngaan ri mbe. 16 Ki bre Bachi mbu Yeso rituwan, nga Izhi A ti mbu, riwa a nyime ta ran bru no ta sisron riwa a ran kre ran ri dindi yosron itu dindi ti wan, 17 a no yi sisron ran bru no yi tre ri no yi senkpa riwa bi ti dindi ndu bla nga tre.