1 Ri kre tre, miri vayi bre Izhi rita itre Bachi a ri shan bla a fe gbre, bibi riwa wa a fe ri yi. 2 Wa kpa ta chuwo ri wo nji wa meme ti riwa wa ran kpa nyime ran. 3 Ama Bachi he nji ri lo tre zi, a ri kpa yi chuwo ri kya meme. 4 Ki kpa nyime ri yi ritu Bachi, iri bi hu tre doka riwa ki la yi bi ran hu ran hi. 5 Bachi a shu sron mba kabru ritu nyɨme Izhi nga vu sron riwa Yeso.

6 To, imiri vayi ki no yi tre rimi nde Bachi mbu Yeso Kristo, zhu ri nkon ko bibi vayi ritan riwa a time riwa a ran hu kyawa wawa bi wo ri ta ran. 7 Biyi kyumbi bi to a bi no yi ti kya riwa bi to rita bi ri ti, don riwa ki he iwayi ki ran tsro yi sankon ran. 8 Ki ran ri bi ri njo kukulu ran ara riwa ki soya ki tindu ri ji ri chu, ritu riwa ki ran no iri mbi ya ran. 9 A ran he ritu riwa ki ran he ri ya mba ritu mbi ran onhon a he ritu riwa ki he kya ri ta ka nye riyi nga bi ri vu kya riwa bi to rita. 10 Ai, sisenmu, riwa ki he iwayi, ki layi tre doka nyi iri nji riwa a kawan ri ti ndu no wa ran no ri ran.

11 Ritu ki wo ri wari mbi wa he wa sankon, wa ran ri tindu kyari ran, ari gyuru nji nye. 12 Bibi nji wanyi nye ki no wa doka ki ri ri no wa tre ritu Bachi Yeso, no wa ran milan ran ti ndu, wari ran ri ritu mba. 13 Ama biyi miri vayi ran kumbra ri ndu dindi ran. 14 Inde njo kawan ri tre ri wa ki ngaan ri mbe nyi, bi ka milan ya-u ran ka ngambi kabru ri wu ran don no shan noti-u. 15 Ama ran kau ti kpanfu mbi ran tsede bi ka la-u tre ritu a he vayi mbi.

16 Ki ibreno Bachi rituwan riwa ari de son ri si sron, ari no yi si sron bla vi bla nkon. No Bachi no he riyi wawu.

17 Ame Bulus nye me ngaan chi nyi ri wo won wawu nye he riwa ari tsro yi ri ingan won nye mba.

18 Me ibreno dindi ti Bachi Yeso Kristo no he ri yi wawu.