1 Me wa miri la yi bibi yaa riwa me ti ritu mbi nga wa nji Lawudikya nga ngbron nji wawa wa ran to wen ran. 2 Me ti rinyi ritu no wa fe senkpa nga wa ri ngɨzhi ngamba ye bubu ri rimi nyɨme, nga wa ri fe kyawa ri to ri ngɨzhi ye. Ri nganyi wa to kyawa ri yayɨbi riwa Izhi, riwa a he Kristo kyuwan. 3 Kristo nye he wɨlo nkon riwa ari bu nkon riwa a he ri riri rimi wiwiri nga to riwa Izhi.

4 Me la rinyi, ran no njo no gyuru yi ri jan nyu ri che ran, ko wari bi ri se. 5 Ko ri riwa me ran he ri yi rimi kpa ran, ama me he ri yi rimi Yuu, me ngɨri ritu bibi son mbi riwa bi son kabru rimi yosron ri Kristo.

6 Riwa bi kpa Kristo Yeso no he Bachi mbi, sondu ran son rimi kabrutu ri wu. 7 Bi milan ki mgbemgben ri Kristo, milan son mbi ti ri wu, senkpa rimi yosron mbi, bibi riwa wa la yi. nga bi ri he ri ngɨri bran bran rimi sron mbi.

8 Milan ya, ran no njo no sen yi ri kyawa wa che riwa wiwiri riwa nji ran, riwa a zhu ri tsro riwa nji, nga wu wawa wa ngɨzhi mgbumgblume, nga a ran zhu ri Kristo ran. 9 Ritu rimi Kristo nye Izhi ri son rimi kpa wan riwa a he nji, 10 nga wa no yi son rimi kabrutu ri wu. Wawu he rinkon wa ko wu ri tan. 11 Ritu kabrutu ri Kristo nye a he ka wa fon yi nju riwa nji nye wa ti, ama ifon nju riwa Kristo a fon riwa a he ri kpachuwo wa son mbi riwa nji. 12 Ritu riwa wa son yi tu ri ima, wa no yi yɨbi ri Kristo, nga rimi son tu ri ima wa ta yi shɨme ri Kristo ritu yosron mbi rimi gbengbren Izhi, riwa a ta Yeso shɨme ri kuu. 13 Bi ran kuu zari rimi wu ritu meme ti nga bi ran he nji Yahuda wawa wa ran he ri doka ran. Ama Izhi a ngɨzhi yi ye ri Kristo. Izhi ka meme ti mbu rega ri ta wawu; 14 a se ngan meme ti mbu riwa memenji ngan dzi, ri doka wan, ran ban wu zho ri ka ngawan kpan ri tu konkron. 15 Ngha ritu konkron-a Kristo a kpa ngawan chuwo ri wo gbengbren wa rinkon wu; ran han gbengbren mba ritu konkron. 16 Ritu ngamba, ran no njo no vu yi ri meme ti ritu kya riwa bi ri ka bi so ran ko ritu vi riwa wa ka-u dzi ko ka iro ri huwa sisa, ka chachu son vri ran. 17 Kyawa wanyi wa he wu kyawa wawa wa ye kusi; kpunji wan he kristo. 18 Ran no njo riwa ari gyuru yi ri ndindi ti ri che no gyuru gbɨre miri ko Izhi, ran ri ti che ri wawu ri to kusi ran kpa yi time ran, 19 bibi nji nyi ran ka ngawan ngaa ri Kristo ran, riwa wawu nye he tu kpa wan riwa a he wa hu Izhi, ritu wawu nye ri ngɨzhi wa hu Izhi, ari miyen kpa wan, riwa a ngaan hu ri gbre, ari gbron bibi riwa Izhi riwa no gbron.

20 Wu kuu ri Kristo, nga wa kpa yi chuwo riwo kpanchison wu wa mgbumgblume nyi. Ko ritu ngye ko bi son ka bi he wa mgbumgblume nyi? Ritu ngye ko bi hu tre wa mba, 21 bibi kya riwa wa tre ri,<<Ran ti ndu ri wa ran,>> ran tre ri,<<Ran bre to ran,>> ran tre ri<<Ran ibre ngbron wan wo ran?>> 22 Wawu kyawa wa nyi wa he kuklu ka wa ti ndu ri wa; wa he doka nga tsro nji nye. 23 Kpunji tre nye doka wamba wa he ri wiwiri ri vu ri gbengbren ri gbɨre miri ko Izhi, iti kya ri che, nga no kpa yaa; iti mba nyi ran ran he ri gbengbren ri dzu wa ri mbiye ri kpa ran.