1 Imiri vayi won rimi nkpen Bachi Yeso Kristo, ran ya njo tinkan ran, biyi wawa bi hu Izhi. 2 No wa tre ri njo ye ri bubu kabrutu mbi, a son ringawo ran su tsro dindi, nga nji ri riwa a ran su tsro dindi ran ye riyi ngawen. 3 Inde bi no nji riwa a su tsro dindi ri bubu son riwa a bi,<<Ingye bubu son dindi een>> Ama bi ri tre ri nji ri yaa ri, <<Son ri mu>>Ka bi tre riwu ri, <<Kuson ri meme kusan kpɨre won>> 4 Ashe bi ran ya njo mba tinkan bi ri he wa bla tre rimi meme ri mɨrembi nye mbana?

5 Sren ton biyi miri vayi won wawa me nyɨme yi: ashe, bi ran to ri Izhi chu wa yaa ri mgbumgblu me nyi no wa he ri wo rimi kpayɨme ran no wa fe gado rimi kpanchi riwa a ka tre dzi ri wawa wa kpa nyɨme ri wu ran? 6 Ama bi ti meme ti ri wa yaa. Ashe a ran he wawa wa he ri wo nye wa noyi yaa ran? Aran he wawa nye wa gbi yi ri hi bubu bla tre ran? 7 Ngha a ran he wawa nye wawa wa kpa nde dindi nye riwa wa no yi-a ri time ran? 8 Inde bi hu kya riwa mbe tre ri,<<Nyɨme nji ri kusan wen bibi riwa wu nyɨme ngawen.>> 9 Ama inde bi tsro kankankan ri ngambi, ka bi ti meme ti, ibla tre ri vu yi ritu bi wo. 10 Inji riwa ari hu tre wawu, ama a kpa riri tɨme, a kpa tre wawu time nye mba. 11 Ritu wawu riwa a tre ri,<<Ran kru ri wa nji ran,>> Wawu nye tre ri, <<Ran wu nji ran>> To, inde wu ran wa wanjo ran, ama wu wuu nji, rimba wu kpa tre wurusi rega nye mba. 12 Tre bi ri ti bibi wa nji wawa wa bla tre ri wa ri doka riwa ari kpata chuwo. 13 Izhi ran losron ri vi riwa ari bla tre ran, a ran ran to losron ran. Ama ilosron ri su bla tre. Ikpanyɨme riwa a ran kabru ri ndu ran a he kuklu.

14 Biyi miri vayi won , bi wan he ngye riwa nji rɨe ri kpanyɨme, ama a ran hu ri ndu riwa ari tsro kpanyɨme ran? 15 Bibi wan, ka vayi wen vren ron ran he ri tsro ran nga a ran he kya riwa ari ri ran. 16 Bi ngye ri he bubu wan riwa wu tre ri wa ri, <<No Izhi ngɨzhi Yi zhuu ri si kpa! ran no yi kya riwa bi ri nga kya riwa bi so, ri kya riwa bi suu,>> Ama bi ran no wa kya riwa ari dzon wa rimi son mba ran, bi wan ri he kutan? 17 Nghamba me a he, ikpanyɨme riwa wuran tsro-u ri ndu ran, a he ka kuu. 18 Ama nji ri tre ri, <<Inji ri he ri kpanyɨme; nga nji ri he ri ndu.>> Itre won he ri, tsro wen kpanyɨme wen riwa ndu ran he rimi wan ran, ama me tsro-u kya riwa ikpanyɨme won ri ti. 19 Bi kpanyɨme ri Izhi he, A bi! ko wa bɨzhi wa to ngamba, wari ri wirikpa. 20 A wu nkpran nji, wu wa no wa tsro-u wa ri ko wu ri to iri ikpanyɨme riwa ndu ran he rimi wan ran a he kuklu? 21 Riwa A ti wa Timbu Ibrahi a ka vren wan Ishaku de ritu kpanchi ri sro yii, ashe, a ran he ritu yo sron nye a ti ndu mba ran? 22 Bi ran to ri ikpanyɨme nga ndu wan kabru nye, nga yo sron wan a he ri showa ritu kya riwa a ti. 23 Ngha tre riwa a he rimi mbe Izhi-a ka tsra riwa a tre ri, <<Ibrahi a kpanyɨme ri Izhi nga kpanyɨme wan nyi a no wa yo-u ri Inji ri dindi.>>Wari yo-u ri ikpan Izhi. 24 Ashe Izhi ri kpanji chuwo ritu ndu wan riwa ari ti, a ran he ritu kpanyɨme ri kankshe ran. 25 Aran he ritu ndu riwa Raaba ntran wa a ti nye ran fe kpa chuwo ran? 26 A he bibi riwa inde iviri ran he ri kpa ran, ikpa ri he kuklu; ngamba nye ari he inde ikpanyɨme riwa a ran kabru ran ari he kuklu.