Itre Ritu Son Kankankan
1 Imiri vayi won rimi nkpen Bachi Yeso Kristo, ran ya njo tinkan ran, biyi wawa bi hu Izhi. 2 No wa tre ri njo ye ri bubu kabrutu mbi, a son ringawo ran su tsro dindi, nga nji ri riwa a ran su tsro dindi ran ye riyi ngawen. 3 Inde bi no nji riwa a su tsro dindi ri bubu son riwa a bi,<<Ingye bubu son dindi een>> Ama bi ri tre ri nji ri yaa ri, <<Son ri mu>>Ka bi tre riwu ri, <<Kuson ri meme kusan kpɨre won>> 4 Ashe bi ran ya njo mba tinkan bi ri he wa bla tre rimi meme ri mɨrembi nye mbana?
5 Sren ton biyi miri vayi won wawa me nyɨme yi: ashe, bi ran to ri Izhi chu wa yaa ri mgbumgblu me nyi no wa he ri wo rimi kpayɨme ran no wa fe gado rimi kpanchi riwa a ka tre dzi ri wawa wa kpa nyɨme ri wu ran? 6 Ama bi ti meme ti ri wa yaa. Ashe a ran he wawa wa he ri wo nye wa noyi yaa ran? Aran he wawa nye wa gbi yi ri hi bubu bla tre ran? 7 Ngha a ran he wawa nye wawa wa kpa nde dindi nye riwa wa no yi-a ri time ran? 8 Inde bi hu kya riwa mbe tre ri,<<Nyɨme nji ri kusan wen bibi riwa wu nyɨme ngawen.>> 9 Ama inde bi tsro kankankan ri ngambi, ka bi ti meme ti, ibla tre ri vu yi ritu bi wo.