Yosron Ngha Ndu
14 Biyi miri vayi won , bi wan he ngye riwa nji rɨe ri kpanyɨme, ama a ran hu ri ndu riwa ari tsro kpanyɨme ran? 15 Bibi wan, ka vayi wen vren ron ran he ri tsro ran nga a ran he kya riwa ari ri ran. 16 Bi ngye ri he bubu wan riwa wu tre ri wa ri, <<No Izhi ngɨzhi Yi zhuu ri si kpa! ran no yi kya riwa bi ri nga kya riwa bi so, ri kya riwa bi suu,>> Ama bi ran no wa kya riwa ari dzon wa rimi son mba ran, bi wan ri he kutan? 17 Nghamba me a he, ikpanyɨme riwa wuran tsro-u ri ndu ran, a he ka kuu. 18 Ama nji ri tre ri, <<Inji ri he ri kpanyɨme; nga nji ri he ri ndu.>> Itre won he ri, tsro wen kpanyɨme wen riwa ndu ran he rimi wan ran, ama me tsro-u kya riwa ikpanyɨme won ri ti. 19 Bi kpanyɨme ri Izhi he, A bi! ko wa bɨzhi wa to ngamba, wari ri wirikpa. 20 A wu nkpran nji, wu wa no wa tsro-u wa ri ko wu ri to iri ikpanyɨme riwa ndu ran he rimi wan ran a he kuklu? 21 Riwa A ti wa Timbu Ibrahi a ka vren wan Ishaku de ritu kpanchi ri sro yii, ashe, a ran he ritu yo sron nye a ti ndu mba ran? 22 Bi ran to ri ikpanyɨme nga ndu wan kabru nye, nga yo sron wan a he ri showa ritu kya riwa a ti. 23 Ngha tre riwa a he rimi mbe Izhi-a ka tsra riwa a tre ri, <<Ibrahi a kpanyɨme ri Izhi nga kpanyɨme wan nyi a no wa yo-u ri Inji ri dindi.>>Wari yo-u ri ikpan Izhi. 24 Ashe Izhi ri kpanji chuwo ritu ndu wan riwa ari ti, a ran he ritu kpanyɨme ri kankshe ran. 25 Aran he ritu ndu riwa Raaba ntran wa a ti nye ran fe kpa chuwo ran? 26 A he bibi riwa inde iviri ran he ri kpa ran, ikpa ri he kuklu; ngamba nye ari he inde ikpanyɨme riwa a ran kabru ran ari he kuklu.