1 Ame Bulus nye me ngan mbe nyi ri no-u a wu Timoti. Ame vren ri ndu Izhi, rimi gbengbren Izhi riwa a kpata chuwo nga Yeso Kristo riwa ki yo sron ri wu nye a no wen senkpa me ngan, me ri tsro wa bibi son riwa a sii Izhi sron. 2 Me ngan mbe nyi ri nou, a wu Timoti, wu he vren won ritu riwa wu yo sron ri Kristo me bre Izhi riwa a he Timbu, nga Yeso Kristo riwa a he rinkon mbu ri lo sron ri wu ran nou si sron. 3 Ivi-a tsra riwa a tsro wen rimi tre wan riwa a ka zi riwo won, nga ame me la nji ri mi gbengbren Izhi riwa a kpata chuwo.

4 Me ngan mbe nyi nou Titus, ritu riwa wu he ka ivren won ri kpunji ritu kita wawu mbu ki kpanyɨme ri Yeso Kristo.

me la Izhi A ti nga Yeso Kristo no nou ndindi ti ri si sron.

5 Riwa me ka meme Karita don, me tre riwu i no son ri bubu wan ritu riwa me wa ri no milan kyawa ran ti rimi tra Izhi wa tsitsa riwa wa wa mila ti. Ikya ri gbuchi riwa wuti he riwa wu zhu nji no wa ngiji bla gbu ri bubu riwa wau Izhi wa. Tika bibi tre riwa me lau no ti nganyi. 6 No wa rinkon no wa mɨlan zren ritu no njo ran ngaa wu ritu meme ti ran, a he ri wa ari henji ri waa riri, no miri wan no wa kpanyɨme ri Yeso no wa milan zren ritu no njo ran ngaan wa ritu meme ti ko ika wo tre wa ti mba ran. 7 Izhi no wa rinko tre Izhi no wa mɨlan ran ya wa hu Izhi, ritu ngamba ko rinkon ri tra Izhi riwa wa chu no he nji riwa ari mɨlan zren, no ran he nji riwa ari wa no tre wanmu no kri ko nji ri fu gbagbla ran. No ran he nji riwa ari soi huwa nga nji riwa ari si wanyu ri wa nyi ran, nga no ran he nji riwa ari sen nji ritu kubu ran. 8 Ama no he nji riwa ari kpa tsren wawa wa ye riwu, nji riwa ari wa ti kya riwa a tsra, tsede no he nji riwa ari vu tu wan, Tsitsri, nga re-retu. 9 Ko ngan riwa wu chu no he rinkon no kpa nyɨme bran ri tsro ritu Yeso Kristo, bibi riwa wa tsrou, itsro wanyi wa ya yo sron riwa, no ti nganyi ritu riwa ari tsro nji kya riwa a tsra ran no wa mgbembren nowa hu tsro nyi ritu riwa inde a tre ri nji wawa wa kamba ri kpanyɨme ri tsro riwa a tsra ari to kɨma wa nowa to ri wana ti tsra ran.

10 Me tre rinyi riwu Titus, ritu nji wari wa he bran riwa wa kamba ri hu tre wa rinkon tra Izhi, nji wanyi wa tsro tre riwa a ran he nkon ran wari wa no wa hu tre waa, ikpanji wa tsro nyi-a wa he wawa wa no mgbron ji wawu no wa hu doka nji Yahuda, a zizan doka ri fon nju. 11 Wu ran no wa tsro ri che nyi no wa tsro wawa wa hu Izhi ran, ritu inde wa tsro kyawa wanyi riwa a ran he riwa wa tsro ran wa no wako wawu nowa kpa nyɨme ri tsro wanyi wari kɨma gon ti Yeso wa tsro ri che nyi ritu riwa wa fe nkren riwo nji. 12 Inji ri wiwɨri ri a he ri sen riwa a he nji ri karita ngawen nga ngye kya riwa a tre-en,<<Wanji wa Karita wasi tiche, wa ti sron ka nima ji wa fu, wa he wa sankon, sondu ri ri ri kankshe.>> 13 Itre nyi riwa nji ri la tre Izhi wa he kpunji wan ritu wanji wa Karita, ritu ngamba, wa yɨra wa hu Izhi ngan, wawa wa hu tsro ri che, ritu no wa hu tsro wa kpunji riwa was tsro ritu Yeso, 14 No wa ran sren ton ri cholonchon riwa nji Yahuda wa tre ran ko ka ritu tre wa rinkon tra Izhi wawa wa kamba ri hu tsro ritu Yeso Kristo. 15 Inji wawa wa he Tsitsri kusi Izhi ko ngye mba rɨe ri Tsitsri, ama wawa wa he meme, wari ran kpa nyɨme ri Yeso ran, ikya ran he riwa wa ti riwa a bi ran, wari taka kya riwa a he ri nkon ri meme, wa ran to kya riwa a he dindi tinkan ri meme ngaran. 16 Inji wa tsro tre ri che wa lanji ri wawa wato Izhi, ama ko wa tre rise, bibi ti riwa wa ti a kri ri rira ri, wana to Izhi ran wa kamba ri kpa tre Izhi, wana to ti kya riwa a bi ran.