1 Ama a wu Titus, tsro bibi tre riwa a tsra ri tre Yeso Kristo. 2 La nji wa rinkon no wa vu tumba, wari ki kpen, ri yo sron, ri nyɨme nji nga vu sron.

3 Nghambame bi tsro chanchon mba no wa ti kyawa riwa Izhi ri kpa nyɨme riwa, no wa ran katu mba yo rimi kuklu tre nga so wa hi ran. 4 Ritu no wa ka tsro mba wa tsitsa no wa nyɨme wa miri mba riwa ron mba, 5 no wa he wawa wa vutu mba ri son Tsitsri, wari mɨlan wa ron mba ngɨzhi, wari ti kyawa dindi ri ngbron nji nga wari to mkpen wa ron mba, ritu no nji no wa ran tsri tre Izhi ran.

6 Nghambame ŋoron mirinze no wa vutu mba. 7 Rimi tsro wen, a wu ngawen mɨlan kyawa ti riwa nji wa to riwu, ti kon ngy ri sron riri rimi tsro wen. 8 Tre tre dindi riwa nji wana kamba ri wu ran, ritu no shan no ti wa kpan fu wen riwa wana fe kya ri tre ritu mbu ran.

9 Tsro wa graan no wa ti kya riwa ari no wa ti komba sisron, no wa ran la nyu riwa rimi tre ran, 10 no wa ran yɨbi kyawa ri wa ti komba ran tsede no wa ti kya riwa wa ti komba no wa nyɨme riwa, ritu ko ngye riwa wa ti, no nji no wa to bibi tsro riwa ki tsro ritu Izhi riwa ari kpanji chuwo.

11 Ri ngamba dindi ti Izhi ye ri nji riwa wawu nye ri kpanji chuwo iwawu. 12 Dindi ti Izhi tsro ta no ta ki kambu ri kyawa wawa wana he ri nkon wan ran, ki mɨlan vutu mbu ngiji, ki ri ti kyawa wawa wa no Izhi mkpen wan ri nzan wa zizan, 13 riwa ki kii ri gben nchon vi riwa ari ye ivi riwa Yeso ri bru ye ri mkpen wan. 14 Riwa Kristo a ka tu wan de riwa ari kpata chuwo ri meme ti mbu ran no ta ki he wa Tsitsri wawa wa wa wari ti kya dindi. 15 Wanyi nye wa he kyawa wawa wuti ri wa, sondu ran tsro wa ri gbengbren wuri ran yira wa ngaan no ri mba no ran tsiri-u ran.