Nchaʼtə ndə i gwè hə kəghɔ-Bita
1 Nɔ nyɔ̀ʼ mbəŋ-ɔŋ Bita ndə mɔ bɛ lɔntəŋ Jiso Klai nyɔ̀ʼ ŋwɔʼnə-ɔ̄ŋ. Mɔ nɔ tʉʼ nyɔ̀ʼ tʉ bʉə ndə Nyii nɔʼ kə séʼ bɔŋ, bɔ̂ŋ kə́ bɛ bəntoʼŋgwe, bɔŋ-nɔʼ-leʼ wɔ̀ʼnə gɛ̀ mu lɔʼ-bətə̂ŋ-tə ndə Bɔŋtu, Galatia, Kabadosia, Esia leʼnə Bitinia.
Məyʉ́əʼnə ndəŋ məchímbi ndə liʼ-i bɛ ghɔ fɛ
3 B̈ʉʼʉ kɔ́ ndɔ tʉ Nyii, mbʉ Tie Tiekətʉ-yʉʼʉ Jiso Klai! Bʉʼka fɔŋ kətʉvyiinə-i, ɔ nɔʼ chìi bə bʉ̀nə bí bʉʼʉ ndʉʉ ndə ɔ kə bʉ̀nə kóʼhə Jiso Klai ndəŋ kwú. Yɔ̄ŋ-yə nɔʼ kɔ́ yəŋ-yʉ́əʼnə-kə tʉ bʉʼʉ ndə ĩ gwè nə məchímbi. 4 Nɔ, bʉʼʉ nɔ tʉʼ lɛ́nə shʉbə ndə məlʉ̀ yʉʉ ndə fɔbə ndə Nyii nɔʼ kə shʉ̀tə tʉ́ʼtə tʉ bʉʼʉ yuo təmə i mə nə byʉ́ʼ fɛ, təmə bə nɔʼ bʉ́əhə fɛ, təmə shʉ-i mə nə kwú fɛ. 6 T̈ʉʉtə-ii kə́ bʉ̀ʉ te yɔ̄ŋ-yə, təmə kə́ fɛ̀ʼ mbɔ bii kie ndə mənyíɛ ŋgʉəʼ nduɔ ndə vaa kəkʉʉ mbi məniʼ fɛ.