6 T̈ʉʉtə-ii kə́ bʉ̀ʉ te yɔ̄ŋ-yə, təmə kə́ fɛ̀ʼ mbɔ bii kie ndə mənyíɛ ŋgʉəʼ nduɔ ndə vaa kəkʉʉ mbi məniʼ fɛ.

7 Yɔ̄ŋ-yə nɔ bɛ ndə məyúotə bii ndə mənyíɛ mbɔ məmɔʼfyiihə-ii nɔ bɛ ŋkɛŋ-ɛŋ, haʼ ndə bə yúotə goo nə viʼi ndə məchìi i kɛŋ tʉ́ʉnə. Bɔŋ məmɔʼfyiihə-ii ndəŋ Nyii nɔ chyʉ́ʉ chàa goo bʉʼka g̃oo nɔ byʉ́ʼ. Ndʉʉ ndə məmɔʼfyiihə-ii bu dʉ̀ʼ mbɔ bɛ ŋkɛŋ-ɛŋ ndə bii nɔʼ tíŋ hə mu nu-shʉ́əshʉ́ə-bə buŋmbi nɔ, ndʉʉmɛ, Nyii bu lə̀ʼtə bii, bii kie məgʉ́ə ɔ bɔŋleʼ kɔ́ kuŋhə tʉ bii ndə i bu yi bɛ ndʉʉ ndə bə bu dʉ̀ʼ Jiso Klai.

8 Bii kə buŋ gòʼ təmə nɔʼ nyíɛ ɔŋ fɛ le, bii bɔŋ kʉ̀ʉ ɔ. Bii buŋ gòʼ təmə nɔʼ nyíɛ ɔŋ nduɔ fɛ nɔ, bɔŋ bɛ́ŋ ɔŋ, tʉʉ-yii kə́ bʉ̀ʉ nə ntɛ tʉʉjyu ndə bə mə fʉ̀ʼtə fɛ bɔŋleʼ bɛ ilə́ŋnə nə məgʉ́ə. 9 Lɔʼɔbə-ii ndə məmɔʼfyiihə-ii ndəŋ ɔŋ bu bɛ məkwáa lyʉʉhəkə-ii.