Məshyùu tyunəkə te bʉə dàhə kəŋgieNyii nə mbii
3 Ndʉʉ ndə mɔ kə́ gɛ̀ Masɛdonia, mɔ fʉ̀ʉtə a mbɔ ä káa mu Ɛfɛso chʉʼ kɔ́tuu tʉ bʉə ndə bɔ̂ŋ tʉʼ dàhə ŋgieNyiikə ndə i gòʼ təmə kʉ̀ʼnə fɛ. 4 Téʼ tʉ bɔŋ, b̈ɔ̂ŋ káa məmɔ̀ʼ chəŋ-mbi-nduɔŋ-bə leʼnə mə-kə́-súu nubə te bətietie-bʉə ndə i kyinə lìʼ fɛ. Ñubə-ɔ̄ŋ nɔ gwè nə bəŋʉʉ. I kyinə kwáa bʉə ndə məfɔ̀ʼ nubə ndə Nyii kʉ̀ʉ fɛ ndə bə fɔ̀ʼ tíŋ hə ndəŋ məmɔʼfyiihə-ʉə ndəŋ ɔŋ. 5 Luu ŋkahə-ɔ̄ŋ nɔ bɛ ndə məgwè nə ŋkʉ̂ʉ ndə i gwè hə ndəŋ mu fyii tʉ́ʉnə, ŋkwɔʼtə jyujyu leʼnə ŋkɛŋ məmɔ̀ʼfyii ndəŋ Nyii təmə mbii chɔ fɛ.
6 Bɔŋ bəbɛʼbʉə dàhə nɔʼ kíahə ŋwɔŋtə-ʉə ndəŋ nubə-ɔ̄ŋ mɔ̀ʼ fia bɛ kɔ́ ŋwɔŋtə-ʉə ndə kwə́ʼ bənɔ̌ʼɔ. 7 Bɔ̂ŋ kə́ kʉ́ʉ ndə məbɛ bʉə dàhə nuʼ-Mushi, təmə kə́ kínə nubə ndə bɔ̂ŋ tʉʼ gìe fɛ byuunɔ nubə ndə bɔ̂ŋ tʉʼ dàhə nə fyii shʉ́əshʉ́ə fɛ.