Galatia 1

Nɔ bɛ haʼ mbyu ntəŋjyujyu imɔʼ

6 I nɔ tʉʼ chàa mɔ mbɔ bii nɔʼ chʉʼ nyʉ́ʉ bɔ̌ŋ mbəŋ-ɛŋ Nyii ndə ɔ kə tíi bii tíŋ hə bɔ̌ŋ buuŋjyu-Klai, kə́ kíahə ŋwɔŋ-yii gɛ̀ ndə ntəŋjyujyu kədɔŋ. 7 Kaa bɛ mbɔ ibɛʼ-yə ntɛ ntəŋjyujyu bɛ ghɔ fɛ, bɔŋ mɔ nɔ tʉʼ gìe yɔ̄ŋ-yə bʉʼka mbɔ bʉəbɛʼbə nɔ bɛ ghɔ ndə bɔ̂ŋ tʉʼ chɔ́ŋhə bii, kə́ kʉ́ʉ ndə məbyùutə ntəŋjyujyu ndə i bɛ yie-Klai. 8 Bɔŋ kaʼ buŋ bɛ bə mbəŋ-yaʼ, byuunɔ wontəŋNyii ndə ɔ gwè bə hə yuo gwè lɔ̀ʼ ntəŋ Nyii ndə i bɛ ŋkʉ̂ʉ ndəŋ yi ndə baʼa kə gwè lɔ̀ʼ tʉ bii, ɔ̈ bɛ̀ʼ ndɔŋ-ɛŋ kəghɔ-Nyii. 9 Haʼ ndə baʼa nɔʼ kə gìe, nɔ, mɔ bìʼ gìe, kaʼ wotəmiyɔŋ kə́ lɔ̀ʼ ntəŋjyujyu tʉ bii ndə i bɛ ŋkʉ̂ʉ ndəŋ yi ndə baʼa nɔʼ kə lɔ̀ʼ tʉ bii, ɔ̈ bɛ̀ʼ ndɔŋ-ɛŋ kəghɔ-Nyii.