8 Nukə ndə i gìe nɔ bɛ mbɔ, "Mbʉ kəŋgie nɔ kə́ŋhə mbʉə a, kə́ bɛ mu chu-a, kə́ bɛ mu fyii-a," mbʉ kəŋgie ndə bə mɔ̀ʼfyii chɔ ndə baʼa tʉʼ lɔ̀ʼ. 9 Bʉʼka mbɔ kaʼ a gìe ŋgwʉʉnə nə chu-a mbɔ Jiso nɔ bɛ Tiekətʉ bɔŋleʼ bɛ́ŋ hə mu fyii-a mbɔ Nyii nɔ kə bʉ̀nə kóʼhə ɔŋ ndʉʉ ndə ɔ kə kwú, a bu kie ŋkwaaNyii. 10 Bʉʼka w̃o nɔ bɛ́ŋ nə mu fyii-i, i chìi ɔ bɛ ndyʉndyʉ tʉ Nyii, bɔŋleʼ gìe nə chu-i mbɔ Jiso Klai bɛ Tiekətʉ nɔ, i chìi ɔ kie ŋkwaaNyii. 11 Bʉʼka ŋwɔʼnə-Nyii nɔ ghɔ̀ŋ mbɔ, "Wotəmiyɔŋ ndə ɔ bɛ́ŋ ɔŋ, bə kʉʉnə mɔ̀ʼ tʉvyiikə-i fɛ." 12 Bʉʼka ŋkʉʉŋkʉʉ kaa ghɔ ndə bʉə-Juu ghɔŋbə bʉə ndə bɔ̂ŋ gòʼ təmə bɛ bʉə-Juu fɛ. Mbyu Tiekətʉ imɔʼ nɔ bɛ Tiekətʉ bʉə bənchəŋ, ndə ɔ tʉʼ kɔ́ yɔ́ŋyɔ́ŋ tʉ bʉə bənchəŋ ndə bɔ̂ŋ bíʼtə tʉ ɔŋ, təmə kə́ túhə shʉ fɛ. 13 Ndə ŋwɔʼnə-Nyii ghɔ̀ŋ mbɔ, "Wotəmiyɔŋ ndə ɔ tʉʼ tíi Tiekətʉ mbɔ ɔ̈ kwáa ɔ, bu kie ŋkwaaNyii."
Publicidade