M̃əmɔ̀ʼfyii ndəŋ Nyii nɔ gwè nə tʉʉjyu
1 Nɔ, bʉʼka bʉʼʉ nɔʼ bɛ ndyʉndyʉ shʉ-Nyii bʉʼka məmɔʼfyiihə-ʉʼʉ ndəŋ ɔŋ nɔ, bʉʼʉ nɔʼ kie fyiighʉ́ənə bʉʼʉbə Nyii tíŋ hə bɔ̌ŋ Jiso Klai Tiekətʉ-yʉʼʉ. 2 Tíŋ hə bɔ̌ŋ mbəŋ-ɛŋ, bʉʼʉ nɔʼ kie fia ndə məŋíi mu buuŋjyu-ɔ̄ ndə bʉʼʉ tə́nə ndəŋ ghɔ nduɔ nɔ bʉʼka bʉʼʉ mɔ̀ʼfyiihə-ʉʼʉ ndəŋ ɔŋ, tʉʉtə-ʉʼʉ bɔŋleʼ kə́ bʉ̀ʉ bʉʼka məgʉə-Nyii ndə bʉʼʉ yʉ́əʼnə ndəŋ ghɔ ndə i bu yi gwè.
3 Ndə məbìʼ chɔ, tʉʉtə-ʉʼʉ nɔ tʉʼ bʉ̀ʉ mu ŋgʉəʼ-yʉʼʉ ndə bʉʼʉ tʉʼ nyíɛ bʉʼka bʉʼʉ nɔ kínə mbɔ ŋ̃gʉəʼ nɔ chìi wo lyʉ̀ʉtə́nə. 4 Məlyʉ̀ʉtə́nə kə́ chìi nuʼ-yʉʼʉ tə́nə shʉ́əshʉ́ə, nuʼ-yʉʼʉ kə́ chìi bʉʼʉ ndə məyʉ́əʼnə ndəŋ ŋkwaaNyii. 5 Məyʉ́əʼnə-ɔ̄ŋ ndəŋ Nyii mə nə mɔ̀ʼ bʉʼʉ sê fɛ, bʉʼka Nyii nɔʼ véʼ ŋkʉ̂ʉ-i mu fyiihə-ʉʼʉ tíŋ hə bɔ̌ŋ Lyʉʉhəkə-i, ndə bɛ kɔ-Nyii-kə tʉ bʉʼʉ.