Ñuʼ Nyii nɔ kɛ̀ʼ bʉ̂ʼtə-ʉʼʉ
7 Bʉʼʉ bu ghɔ̀ŋ mbuka ndʉʉmɛ? Mbɔ nuʼ-Nyii bɛ bʉ̂ʼʉ mɛ? I mə nə bɛ nɔ fɛ! Bɔŋ kaʼ kʉ̌ʉ kə gòʼ təmə bɛ nuʼ-Nyii fɛ, təmə mɔ kə kínə bʉ̂ʼʉ fɛ. Nuʼ Nyii kʉ̌ʉ kə gòʼ təmə ghɔ̀ŋ mbɔ, "Kə a mɛ kʉ̀ʉ mbɔ fɔ-wo-kədɔŋ-kə bɛ ya-yə fɛ," təmə mɔ kə kínə mbɔ mə lɛ́nə fɔ-wo-kə nə ntɔmə bɛ bʉ̂ʼʉ fɛ. 8 Bɔŋ bʉʼka mbʉ nuʼ-ɔ̄ŋ, bʉ̂ʼʉ nɔ kie fia ndə məchɔ̀ʼhə ntɛ-məntɔ-bʉəbʉə-hə mu fyii-mɔ nchəŋnchəŋ. Kaʼ nuʼ-Nyii kʉ̌ʉ kə gòʼ təmə bɛ ghɔ fɛ, təmə bʉ̂ʼʉ mə kie ghʉəʼkə fɛ.
17 Nɔ, leʼbie mbəŋ-ɔŋ ndə mɔ tʉʼ fɔ̀ʼ mbʉ bənu fɛ, nɔ tʉʼ fɔ̀ʼ bʉ̂ʼʉ ndə i bɛ mu mbʉə-mɔ fɔ̀ʼ mbʉ bənu.
18 Bʉʼka mɔ nɔ kínə mbɔ nu-jyujyubɛʼ-kə bɛ ghɔ ndə i bɛ mu mbʉə-mɔ fɛ, mɔ nɔ tʉʼ te mu ntɔ-bʉ̂ʼʉ-mə-ɔŋ. Bʉʼka mɔ nɔ kʉ̀ʉ ndə məfɔ̀ʼ nubə ndə i bɛ kʉ̀ʼnə, bɔŋ təmə kie ghʉəʼkə ndə məfɔ̀ʼ fɛ. 19 Bʉʼka mɔ tʉʼ fɔ̀ʼ nu-jyujyu-bə, ndə mɔ kʉ̀ʉ ndə məfɔ̀ʼ fɛ, mɔ bɔŋ kə́ fɔ̀ʼ bə haʼ nu-bʉəbʉə-bə ndə mɔ bàa. 20 Nduɔ, kaʼ mɔ kə́ fɔ̀ʼ nubə ndə mɔ gòʼ təmə kʉ̀ʉ fɛ, təmə tʉʼ leʼ fɔ̀ʼ mɔ fɛ, nɔ tʉʼ fɔ̀ʼ bʉ̂ʼʉ ndə i bɛ mu mbʉə-mɔ.
23 mɔ bɔŋ kə́ nyíɛ nuʼ kədɔŋ mu mbʉə-mɔ, nuʼ ndə i tʉʼ gwúu byuʼu ghɔŋbə mbʉ nuʼ-Nyii ndə mu fyii-ɔ bɛ́ŋ. I chìi mɔ bɛ wo-njaa-chaŋ tʉ nuʼ-bʉ̂ʼʉ ndə i bɛ mu mbʉə-mɔ.