Məgʉ́ə ndə i bɛ bəshʉ gwè
18 Bʉʼka mɔ nɔ nyíɛ mbɔ ŋgʉəʼ ndə bʉʼʉ tʉʼ nyíɛ nduɔ, bə mə fʉ̀ʼ ndəŋ məgʉ́ə ndə bʉʼʉ bu yi nyíɛ fɛ.
26 Nɔ bɛ haʼ nɔ, LyʉʉhəNyiikə nɔ gwè ndə məkwáa bʉʼʉ, bʉʼka bʉʼʉ nɔ lʉ́ʉtə. Bʉʼka bʉʼʉ kínə mə gháaNyii ndə ntɛ ndə bʉʼʉ kie ndə məgháa ɔ fɛ, bɔŋ mbʉ kəLyʉʉhəNyii nə mbəŋ-ɛŋ nɔ tʉʼ fʉ̀ʉtə Nyii yie-bʉʼʉ nə ntɛ mədùŋtə ndə ŋgie-chu-bə mə fʉ̀ʼtə fɛ. 28 Bʉʼʉ bɔŋleʼ kínə mbɔ tʉ bʉə ndə bɔ̂ŋ kʉ̀ʉ Nyii, ɔ nɔ tʉʼ chìi nubə nchəŋnchəŋ ndə i tʉʼ fyú tʉ bɔŋ i kə́ fɔ̀ʼ ndə bʉʉ-yʉə. Nɔ bɛ bʉə ndə Nyii nɔʼ tíi bɔŋ mbɔ b̈ɔŋ fɔ̀ʼ nubə haʼ ndə ɔ nɔʼ kə shʉ̀tə. 29 Bʉʼka bʉə ndə Nyii nɔʼ nə kínə bɔŋ hə bəshʉ, ɔ nɔʼ kə séʼ bɔŋ ndə məbɛ nə Vaa-ɛ, mbɔ mbʉ Vaa chʉʼ bɛ fəŋ mu bʉə buŋmbi ndə bɔ̂ŋ bu yi bɛ vâa-Nyii.
35 Bɛ ka ndə bəkɔ i wɔ̀ʼtə bʉʼʉ ndə ŋkʉ̂ʉ-Klai? Bɛ ŋgʉəʼ mɛ, bɛ məlíŋ mɛ, bɛ məchɔ́ŋhə ndə bə tʉʼ chɔ́ŋhə bʉʼʉ mɛ, bɛ chyʉʉ mɛ, bɛ mətòʼ kənchiʼtʉʉ mɛ, bɛ mə bɛ chu-kwú mɛ, byuunɔ məfɛ̀ŋhə nə kwu? 37 Bʉʼʉ bɔŋ nɔʼ ghɔ́ʼ nubə-ɔ̄ŋ nchəŋnchəŋ tə kùu, tíŋ hə bɔ̌ŋ mbəŋ-ɛŋ ndə ɔ kʉ̀ʉ bʉʼʉ. 38 Bʉʼka mɔ nɔ kínə mbɔ nubɛʼkə kaa ghɔ ndə bəkɔ i wɔ̀ʼtə bʉʼʉ ndə ŋkʉ̂ʉ-i fɛ, təkɔmə kwú byuunɔ məchímbi, təkɔmə bʉəntəŋNyii byuunɔ bʉə ndə bɔ̂ŋ tʉʼ sɔ́ʼ njəŋ-yuo-hə byuunɔ nubə ndə i bɛ nduɔ byuunɔ yi-yə ndə i bíe bəshʉ gwè byuunɔ ghʉəʼbə 39 təkɔmə wʉʉnəmbikə ndə i bɛ kweghɔʼ byuunɔ wʉʉnəmbikə ndə i bɛ mu sê, fɔbɛʼkə bɛ ghɔ ndə Nyii chìi ndə bəkɔ i wɔ̀ʼtə bʉʼʉ ndə ŋkʉ̂ʉ-Nyii ndə bʉʼʉ kie tíŋ hə bɔ̌ŋ Klai Jiso Tiekətʉ-yʉʼʉ fɛ.