Mu kətʉ súunə nɔ gwè hə kəghɔ-Nyii
13 Bɛ nda mu bii ndə ɔ kie mukətʉ-súunə bɔŋleʼ kə́ kínə nukə? Ɔ̈ fɔ̀ʼ ndə mədʉ̀ʼ nuʼ jyujyu-i bɔŋleʼ lʉ̀ ŋwɔŋ-ɛŋ sê ndə mədʉ̀ʼ mukətʉ súunə-i. 14 Kaʼ a kɛŋ kə́ túunə bəfyuʼ mu fyii-a shʉ́əshʉ́ə leʼnə mu fyii ndə məkie tətɛʼ-a inchəŋ, kə a mə kə́ ŋàʼtə nə yɔŋ, kə́ bɔŋ shʉəŋ sê fɛ. 15 Yɔ̄ŋ-yə kaa mukətʉ-súunə ndə i shíʼ gwè hə yuo fɛ, i nɔ lɔ̀ hə kəchisê, kə́ bɛ ŋkoʼnə bətɔ woməsʉʉ, gwè hə kəghɔ-Debulu. 16 Bʉʼka ỹəŋkə ndə bə túunə bəfyuʼ chɔ, wo kə́ kwɔ̀ʼtə bə haʼ yi-yə ŋwɔŋ, m̃byuutəmbyuutə nɔ bɛ chɔ ghɔŋ ntɛ bənu-bʉəbʉə-hə inchəŋ.