Məkwɛ̀ʼtə gwè mbʉə Nyii
1 Tʉʼ gwè ka nə chyuutə ghɔŋbə byuʼtə mu bii? Kaa ŋkwɔʼtə bʉəbʉə ndə i tʉʼ gwúu byuʼu mu fyii-bii fe? 2 Bii nɔ tʉʼ mʉ̀ʉ təmə kə́ kie fɛ, ndʉʉmɛ, i gwè nə bàa ndə bəkɔ i yí wo. Bii kə́ kʉ́ʉ mbɔ f̈ɔ-bʉə-bə bɛ yii-yə təmə kə́ kie fɛ, ndʉʉmɛ bii kə́ gwúu byuʼtə bɔŋleʼ mɔ̀ʼ chyuutə. Bii tʉʼ kie fɛ, bʉʼka bii tʉʼ bíʼtə fɛ. 3 Bii nɔ tʉʼ bíʼtə təmə kə́ kie fɛ, bʉʼka bii nɔ tʉʼ bíʼtə nə luu bʉəbʉə, ndə məyú ndə ntɛhə ndə fyii-ii tʉʼ kʉ́ʉ.
4 Bii bəŋghaa-bəsəŋ! Bii kínə mbɔ məchìi bətieŋkɔŋ biibə wʉʉnəmbikə, bɛ bàa tʉ biibə Nyii fe? Nɔ, wotəmiyɔŋ ndə ɔ kʉ̀ʉ ndə məchìi bətieŋkɔŋ ghɔŋbə wʉʉnəmbikə nɔ bɛ wobàa Nyii. 6 Bɔŋ ɔ nɔ dʉ̀ʼ buuŋjyu yɔ́ŋyɔ́ŋ, ndə ŋwɔʼnə-Nyii ghɔ̀ŋ mbɔ,
"Nyii nɔ tʉʼ dʉ̀ʼ ghɔkə-i chu bʉə ndə bɔ̂ŋ kie tʉʉ gʉənə
bɔŋ ɔ nɔ tʉʼ dʉ̀ʼ buuŋjyu tʉ bʉə ndə bɔ̂ŋ lʉ̀ ŋwɔŋ-yʉə sê."4:6 Mbɔ̂hə 3:34.
7 Nɔ, b̈ii ké ŋwɔŋ-yii tʉ Nyii, kwɛ̀ŋhə tʉ Debulu, ɔ bu nyʉ́ʉ bii. 8 B̈ii kwɛ̀ʼtə gɛ̀ mbʉə Nyii, Nyii bu kwɛ̀ʼtə gwè mbʉə-bii. B̈ii sʉ̀ ghɔbə-ii, bii bʉə-bʉ̂ʼʉ, sʉ̀fyiihə-ii, bʉə təbuuŋ bûu. 9 B̈ii vínə, lí bɔŋleʼ gwía. B̈ii kíahə chʉ́əʼtə-ii ndə gwia, kíahə tʉʉjyu-yii ndə məvínə. 10 B̈ii shúʼhə ŋwɔŋ-yii sê bəshʉ Tiekətʉ, ɔ bu kóʼhə a ghɔʼ.