1 ABitrus 1

6 Fi i sak i di nye yin iyɛ ikan, ngma ni nzam-nzam mgbang fi ki sot gbing ni i sɔ yin yɔkɔnɔng nfi kizen gyet.

7 Ikyɛng e tsin te anɔng, nɔng ba di ki mara inɔɔk atsak yin fi i wat atsɔm-aseng ni kusas, ina fɛ́ a nye kpedek ngma ni ikanang ina fɛ́ ba nye ni kurong. Anɔng e da sak ba di rēn atitup inɔɔk atsak yin fi i bi ki bɛ yin ni itere, ni ízɔk, ni iratek ni izen fɛ́ aYeso Kristi bi bɛ́ wu. 8 Ngma ne fi imang ku di yin awo, i kushim yin; ngma na fi i tsin ku yere yin yɔkɔnɔng awo, i di nɔɔk yin atsak ni wu, ibɛ yin ifeng fi i wat agap icɛɛt, 9 nek i tsin sɛs yin izang inɔɔk atsak yin, isheshek kutset yin.