Awon nek bafɛ́ Afisa
14 Nek anɔng, in sas akut aben ashon Adada, 15 iwu fɛ́ bafɛ́ azanɛn nɛ azatse di sɛs iyerek bá. 16 In ra awon fok ayɛt kudot itek wu, a ki nɔɔk yin agap abik ayɛt ayɛ yin, 17 nɔng Anet-Isheshek bin te itis ayɛt ayɛ yin nek inɔɔk atsak yin. In ra awon fok, ni ibang te yin aney, nɔng ishim yin da te agap, 18 nɔng i di sɛ yin agap ni ishɛrɛp banet Adakunom, nɔng i di rēn yin kuyikyik, ni kuzamang, ni kutsik ishim Anet-Isheshek. 19 Nɔng i da rēn yin ishim aKristi fi i wat agap irēn, nɔng i da bin shining yin ni nkyɔrɔk fi in nes na Adakunom.