BaFisa 4

25 Nek anɔng, kaakyɛ azining yin na a wobok mbɔɔs, na a taas afidang isot wu atsak, nek ngma yit, in yet yit nkap kurɔm kuzining. 26 <<Ayɛt ibeseng iyɛ yin, i bi ra yin inɛn awo.>> I bi won yin kunom ni ku kpa ni tsin rēn beseng yin áyɛ awo, 27 i bi nɔɔk yin aShetan kawat awo. 28 Won ayɔng fɛ́ a tsang yising, bi tɛ a di barang awo, tit na a ra kutomong kutek ni mbɔk wu, nɔng a da sɛ ikyɛng fɛ́ a di ki gbinding bayɔng fɛ́ ba bɛ̀ kudaam.

29 I bi won yin ncɛɛt kpɛɛ ni in wuru na nu yin awo, tit kucɛɛt fi ku se gyat, fi ku da nok bakak ni izen ndaam, nɔng bayɔng fɛ́ ba tsin di wes ato bin di sok ikikak.