Tiago 3

3 In tes yit itsaap iguk nanu ye, nɔng i da ki fok yit, nɔng in di ki tiri yit iye sak narɔ fi in shim yit. 4 Di yin ányin akyɛ-ashi, ngma ni kurasak na, ni kuri awun fɛ́ yirik ina, ngma na anɔng anet ikɔk e tiri iko ni kabi ishɛn sak narɔ fi iwu shim ku di tseng. 5 I se anɔng, ilem yet ikyɛng ibaane ayɛt nkap irɔm anet awe, ngma na anɔng i bɛ̀ ito ice makiyi. Di yin kica irong, ka ya kayit burang. 6 Ilem yet kurong ice de, kazatse iduk e ayɛt nkap irɔm ngma, ilem de imak yet iduk e. Ibeseng anet awe kusum, ilem e de ibeseng nse ni nggɔn anet ni kurong, na ba sak ide naton kurong ari irong.

7 Ngma nzam-nzam nkye awum, ne nanon aton aza, ni nkyɔrɔk fi in ngu aben, ni ìzos ayɛt ashi, ba kyem ba yɛbɛk ina, anet awe kyem a yɛbɛk ina, 8 awɛt vit anet fɛ́ a mang kyem a yɛbɛk ilem wu. Ilem yet aduk ikyɛng fi da irɔɔn awo, ama anɔng, i bɛ̀ nadɔm fɛ́ i da kyem isok kutset.