Marcos 7

Giriki alʋ wʋrʋ lɩɛdi

24 Yesu lɩɩ Galaliya lɩɩ nʋɔ ju Tirosi tibi dʋɔ. Wʋ jʋʋ waa garɛ dʋɔ na wʋ n ja sɛ wʋrʋ a jiŋ wʋ dʋɔ sɛ wʋ wɩɛ dɩmaŋ ŋ. Ama ŋɩ n dɩlɛ yɩɛ wɩɛ awɩsɛsa a. 25 Alʋ wʋrʋ feliŋ sʋbʋ chaɩ wʋbu galibie tɩba, gʋ wʋ nyii Yesu dʋɔ na, gabʋanaŋ sɛ wʋ kɔŋ Yesu jaŋ sɛ wʋ gaa luuŋ wʋ asanaŋ. 26 Alʋ wʋŋ yɩɛ Giriki wʋkpa bɛ, sɛ ba lʋrʋ ɩ Siro-Fonisiya tibi dʋɔ. Wʋ sʋlʋ Yesu sɛ wʋ n gɩŋ feliŋ sʋbʋ wʋŋ lɩɩ wʋ galibie wʋŋ tɩba.

27 Sɛ Yesu tawɩ Giriki alʋ wʋŋ sɛ, <<N yela na bachaasɛ achɩŋkpɩɛ di pa pɔɩ. Akala takɩɛ dɩ n daga na baa mʋ bachaasɛ adiya fa paasɛ ɛ.>>

28 Sɛ Alʋ wʋŋ tawɩ ɩ sɛ, <<Kpaŋjuo, yɩɛ gasiŋteŋ bɩrɛ ama paasɛ gba a duo tebulu tie baa di bachaasɛ ajarɩɛ bisi ŋii ŋɩ lɩɩ sala tibi na.>>

29 Sɛ Yesu tawɩ alʋ wʋŋ sɛ, <<Ganaŋkʋ nya lɩsɛ nʋɔ na dʋɔ, bɔrɛ ju dɩɛ, feliŋ sʋbʋ wʋŋ lɩɩ nbu galibie wʋŋ tɩba.>>

30 Gʋ wʋ ju waa dʋɔ na, wʋ ga na wʋbu galibie wʋŋ duwei mpa dʋɔ, feliŋ sʋbʋ wʋŋ lɩɩ wʋ tɩba.