22 ମେଇଂ ନିଜ୍କେ ଜ୍ଞାନି ଡାଗ୍ଚେ ଆସୁଏମ୍ୟାଃକେ ମାତର୍ ସତ୍ରେ ମେଇଂ ମୁର୍କ । 23 କାଲାଆଃ ଇସ୍ପର୍କେ ପୁଜା ମାଡିଙ୍ଗ୍ଚେ ମେଇଂ ନେଙ୍ଗ୍ନେ ରେମୁଆଁ ପସୁ ପ୍ଲିଗ୍ ବାରି ବୁବ ରକମ୍ନେ ମୁର୍ତି ଆରେଚେ ଆତେନ୍ଇଂକେ ପୁଜା ଡିଙ୍ଗ୍ଆର୍ଡିଂକେ ।
24 ତେସା ଇସ୍ପର୍ ଆମେଇଂକେ ଆନ୍ତାର୍ ବିବକେ ବାରି ମେଇଂ ନିଜେ ନିଜେନେ ଗାଗ୍ଡ଼େ ନ୍ସାଃ କାଲାଆଃ ଡିଡିଙ୍ଗ୍ନେ ସ୍ଲେନ୍ନିଆ ଚାକ୍ଲାଣ୍ଡା ଲେଃଡିଙ୍ଗ୍ଆର୍କେ ମେଇଂ ମେଇଂମେଇଂ ଏତେ ଗିଆସ ରକମ୍ନେ ସମ୍ପର୍କ ବମ୍ୟାଃଆର୍କେ । 25 ମେଇଂ ଇସ୍ପର୍ନେ ବିସୟ୍ରେ ସତ୍ ବାଦୁଲ୍ରେ ମିଚ୍ ସାମୁଆଁ ଦ୍ରିଗ୍ ଆର୍କେ ବାରି କାଲାଆଃ ପ୍ରସଂସା ବାନେ ଆରେବକ୍ନେ ମାପ୍ରୁକେ ପାର୍ତନା ମାଡିଙ୍ଗ୍ଚେ ମେଇଂ ଆରେ ବକ୍ନେ ଜିନିସ୍ଇଂକେ ପୁଜା ଡିଙ୍ଗ୍ମ୍ୟାଆର୍କେ ।
26 ମେଇଙ୍ଗ୍ ଗିଆସ ରକମ୍ନେ ପାପ୍ କାମ୍ରେ ଲାଗେଡ଼ିଆ ଲେଃଲା ଇସ୍ପର୍ ଆମେଇଂକେ ଆନ୍ତାର୍ ବିବକେ ମେଇଂନେ କୁନୁଏଃଡ଼େଇଂ ଏତେ ଡୁଲେଗ୍ ଆନ୍ତାର୍ଚେ ବିନ୍ ସେଲାମ୍ବୁଏ ଏତେ ଡୁଲେଗ୍ବୁଏ କାମ୍ ସାପା ଡିଙ୍ଗ୍ଆର୍ଡିଙ୍ଗ୍କେ । 27 ଙ୍ଗିର୍ବଏଇଂ ଡିଗ୍ ନିଜର୍ କୁନେଃଡ଼େ ଏତେ ମାଡୁଲେଗ୍ଚେ ମେଇଂମେଇଂ ବିତ୍ରେ ଦଦ୍ୟା କାମ୍ଅରିଆ ଲଃ ଡିଂଆର୍କେ, ଙ୍ଗିରେଇଂ ମେଇଂମେଇଂ ଏତେ ଦଦ୍ୟା କାମ୍ ଡିଙ୍ଗ୍ଆର୍ଡିଙ୍ଗ୍କେ ବାରି ଇଡ଼ିଙ୍ଗ୍ ଦଦ୍ୟା କାମ୍ ନ୍ସା ଡଣ୍ଡ୍ ବାଆର୍ଡିଙ୍ଗ୍କେ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)